Dorsland
Bachelor Dog
- Joined
- Apr 15, 2012
- Messages
- 12,635
- Reaction score
- 4,518
- Location
- Nie van hier nie
- Bike
- Honda CRF 300L
Ons het in Mei ons boerdery na die Oos-Kaap verskuif en, alhoewel dit nog steeds bedrywig en daar min tyd vir ry is, het ek besluit om Saterdagmiddag 'n vinnige rit met die XR, sommer hier in die onmiddelike omgewing, te gaan doen. Ek het die GS800 verkoop voordat ons getrek het, en alhoewel ek hom mis, is daar nie nou tyd vir lang ritte nie. Maar kom ek sê sommer reguit dat ons grondpaaie hierrond vir die XR gemaak is: goeie grondpaaie, op en af deur die mooiste landskappe. Ek sien nou eers wat die Oos-Kaap dawgs nog al die jare kan geniet. Ek is nie meer so 'n jaagduiwel nie en het sommer lekker gaan ronddrentel met die fiets.
Ons het Donderdag en Vrydag bietjie sneeu op die berge gehad maar dit was darem nie te koud nie.
OK genoeg gewarra warra. Hier is 'n paar kiekies vir julle manne:
Sowat 30km van ons plaas af is hierdie mooiste mooiste ou plaashuis wat nou leeg staan en redelik verwaarloos is. Ek kry altyd so 'n heimwee in my as ek aan al die harde werk en drome dink wat nou sommer so met die wind weggewaai is.
Daai ou dennebome is al 'n paar jaar oud!
Al is dit droog hier na die einde van die winter se kant toe, het die Karoo darem altyd die mooiste blomme om dié droë wêreld op te helder.
Watse mooi gesig is dit hierdie, met 'n lekker grondpad doer onder wat wag om verken te word. Vir ons Wes Transvalers wat oor 2 opgestapelde klippe opgewonde raak, is sulke berge darem bitter mooi. Ek het groot vrede in my hart oor die besluit wat ek geneem het om die Reverse Groot Trek te doen.
Ek moes toe ook een van jorstroelie hier plaas sodat julle kan sien ek jok nie :biggrin:
En kerels, die aalwyne hierrond is te mooi! Sulke monsters van hier by die 3m hoog van hulle, met die diepste oranje blomme wat nou vertoon.
Nog so 'n laaste een sommer vir die mooi en die lekker van 'n nuwe omgewing verken en ontdek
Ons het Donderdag en Vrydag bietjie sneeu op die berge gehad maar dit was darem nie te koud nie.
OK genoeg gewarra warra. Hier is 'n paar kiekies vir julle manne:
Sowat 30km van ons plaas af is hierdie mooiste mooiste ou plaashuis wat nou leeg staan en redelik verwaarloos is. Ek kry altyd so 'n heimwee in my as ek aan al die harde werk en drome dink wat nou sommer so met die wind weggewaai is.
Daai ou dennebome is al 'n paar jaar oud!
Al is dit droog hier na die einde van die winter se kant toe, het die Karoo darem altyd die mooiste blomme om dié droë wêreld op te helder.
Watse mooi gesig is dit hierdie, met 'n lekker grondpad doer onder wat wag om verken te word. Vir ons Wes Transvalers wat oor 2 opgestapelde klippe opgewonde raak, is sulke berge darem bitter mooi. Ek het groot vrede in my hart oor die besluit wat ek geneem het om die Reverse Groot Trek te doen.
Ek moes toe ook een van jorstroelie hier plaas sodat julle kan sien ek jok nie :biggrin:
En kerels, die aalwyne hierrond is te mooi! Sulke monsters van hier by die 3m hoog van hulle, met die diepste oranje blomme wat nou vertoon.
Nog so 'n laaste een sommer vir die mooi en die lekker van 'n nuwe omgewing verken en ontdek
dan start jy daai S10 van joune
