Karoo "Loepie" 22 - 24 Julie'22

Oom Boetie Whittle:
Hello Diffie, hoe haan dit jong, wou nog antwoord op jou vraag oor die Karoo Loepie, ek's verseker in vir die trippy.

Diffy:
Altyd goed en met oom, is reg oom, ek sit jou oppi lys.

Skaapkop aka "Bennie Mulder":
Thumbs up!!! To Diffy mbt tot die Karoo Loepie.

"Soos altyd is Bennie in ,n Advontuur stofpad ridder wat nie maklik nee sê"

So begin ons trippy Vrydag middag 22 Julie om 16:40 ry ons uit Kirkwood van "Die Co-Op" rigting R336, R75 via Wolwefontein, R329, R338 Mount Steward na Klipplaat vir ons oornag bestemming Hotel Charles - 129km.
Die son begin sak, nog blou lug, geen wind en glad nie koud vir die tyd van die jr, ons tref ons 1st padwerke op die R75 en ook ons laaste vir die aand.
Ons stoot aan tot verby Wolwefontein en net met die afdraai op die R338 Baroe tref ons die stofpad, trek af vir bene rek en bietjie opvang van ons mekaar laas gesien het.

"Oom Boetie ken nie van night ride maar vir ek en Bennie is dit al n gegewe omdat ek altyd n ekstra nuwe stuk pad wil verken om die dag vol te maak en eindig so donker by ons bestemming op"

Die R338 van Baroe via Mount Steward na Klipplaat het vinnig gegaan en ry donker by Hotel Charles se hek in.

So pak ons die ysterperde af, word ons kamers gewys vir die nag maar sommer met die intrapslag ruik jy chef Kerr se vleis potjie, vannaand gaan ons lekker eet en het ons.
So beweeg ons na die kroeg vir n lemmenatjie "keel natmaak" en kuier soos ou pêlle die aand saam Kerr tot laat om snoesug in warm beddens te rus vir die dag van môre se nuwe Karoo stofpaaie.