Lang storie kort, ek het die meisie ontmoet so 3 jaar terug. 2 jaar se swoeg en sweet voor sy uiteindelik myne was, maar dit was die wag werd!
So rukkie terug besluit ek dit raak nou tyd, en ek begin die forum fynkam vir die ideale plekkie om die "langkys" voor te stel.
Saterdag oggend vroeg trek ons weg uit Kroonstad, teerpad langs deur Steynsrus tot in Senekal waar ons n Wimpy koffie en n toebie vang!
Van hier is ons met so agterpaadjie Ficksburg toe. Die wolke het begin donkerder word, en ek was al hoe meer ongemaklik met die hele "pillion, panniers en modder idee, veral omdat ons stoksielalleen oppad was Lesotho toe.
Maar soos BlueBull altyd se: pissies will never be heroes...