Botswana, Zambië, Zim, Africa Twin en 15 dae .....?

[Duster]

Na baie beplanning het ek en Stoffies die pad noord gevat om Botswana, Zam en Zim bietjie te leer ken.  Ons doel was om net te ry en te kyk, te geniet en 'n belewenis terug te bring, hopelik veilig!  Ons het gehoor, baie warm en baie droog.  Die reen begin eers November!

Nou ja, ons is veilig terug, nie dat ons wou terug nie, want ons het, behalwe vir die "shlep"by die grensposte, net plesier gehad.  Almal was vriendelik en baie hulpvaardig, en ons het nerens bedreig gevoel nie.

Ons het gemiddeld 280km per dag gery, maksimum 386km, minste 87km.  Totaal vir die 15 dae 4200km.  Roete kortliks was Naboom, Palapye deur Groblersbrug/Martins Drift, Nata, Kazangula, oor die Zambezi na Zambië met die ferry, Livingstone, Choma, Mazabuka, Kafue, Kariba in Zim in, Harare, Nyanga Highlands, Mutare, Masvingo, Bulawayo, Plumtree terug in Bots in, Francistown, weer deur Martins Drift, terug Naboom toe.

Foto 1: Eerste fout, sommer al by die huis, haal Stoffies se inner uit (Onthou - baie warm!)
        2: Ons het die voorreg om vir Lodie de Jager (bekend vir sy Naboom to Germany trip solo op sy KLR650 so 2 jaar gelede) te ken en hy het die eerste 80km saam ons gery.  Dankie Lodie!
        3: Daar gaat ons.
        4: In Botswana
        5: Tipiese gehuggies en baie droog.

 

[Chrisl]

Sien erg uit na die res.
Is baie lus vir so n trip!

 

[Duster]

Die wind het ons redelik baie gepla, heeltyd van die ooste kant af, tot in Palapye.  Nou moet rk bysê, ons het lanklaas gery, want Super Foxie het my shock en vurke oorgedoen en omdat hy in die Kaap is en ons in Limpopo, het dit 'n rukkie geneem wat ons nie kon ry nie.  Thanx, Mike, the change was remarkable, and I'm so glad we decided to do it before we left.

Ons was redelik moeg die middag en het heerlik ge-R&R in die swembad by Itumela Kamp waar ons oornag het.  Dis 'n baie lekker plek om oor te bly en is langs die township, maar heerlik stil, met laataand die township geluide in die verte.

Die aand het 'n hewige storm oor die Bots vlaktes uitgesak en alles goed natgemaak.  Reen eers einde Nov????  Die aand het ons koud geslaap, want ons het net 'n flennie kombers saamgeneem (is mos warm daar bo in Afrika)!!  Die hele aand het ons gewonder wat die reen gaan maak, want ons het ook nie reenpakke saamgeneem nie!  Het ek al gesê dit reen eers Nov hier bo?
Foto 1: Itumela Kamp
       2: Daar is humor in Afrika
       3: Ons tentjie
       4: Stoffies R&R
       5: Als lekker nat die volgende oggend.

 

[Duster]

Ons het so in die reën tent opgeslaan en aanvaar ons gaan nat wees vir die res van die dag.  Die wind het steeds gewaai, sterk ooste wind, en ek het gedink dit gaan nooit ophou nie.  Ons het in Francistown by die Marang Hotel gestop en heerlike kaaskoek geëet en koffie gedrink, want ons het nie eens warm klere saamgeneem nie en het mos Stoffies se inner uitgehaal en by die huis gelos. Met die effense reën was dit koud op die fiets en Stoffies het maar 'n sweater onder haar baadjie aangetrek.  Die pad is in 'n goeie toestand en ons het maklik 120km/h gehandhaaf.
Foto1: Daar is baie diere op die pad, veral beeste, donkies en boerbokke en dorpers skaap.
      2: Baie statte verkoop sulke hout langs die pad.
      3: Francistown se welkom bordjie
      4: Tussen Francistown en Nata met steeds dreigende wolke in die noorde.
      5: Die AT op sy mooiste

 

[Duster]

Van Francistown het die wind regtig erger begin waai, en ons het stadiger begin ry net om in die pad te bly.

Bots is baie erg oor die Bek-en-Klou seer en ons het in totaal seker deur 5 beheerpunte gery.

So 40km voor Nata, het ons 'n misbank voor ons sien lê.  Hoe nader ons aan Nata gekom het, het ons agter gekom dis stof, maar dit waai van die weste af.  Die wind het in 'n kwassie van omtrent 10km heeltemal van rigting verander en die stof van die Sowa soutpanne opgetel en oor die pad gewaai.

Ons het by Nata Lodge geslaap en in die erge wind en stof dadelik 'n "luxury " tent geboek.  Stoffies was glad nie beindruk met die stof nie.

 

[Duster]

Nog fotos by Nata en die lodge.

1: Lux tent
2: Middagete Tuna en 2 minute noodles
3: In Nata, die Corner Bakery, wat nie op die hoek is nie, die varste vuurwarm buns
4: Die laagwater brug in Nata
5: Soos kinders, skryf ons in die stof op die lodge se eetkamer tafel

 

[Gee eS]

Baie lekker RR! :ricky: Laat waai met die res

 

[GStry]

You've got me  :thumleft: send it.  :biggrin:

 

[Duster]

Na 'n heerlike aand in die luxury tent is ons vroeg op om die pad aan te durf.  Vinnig gepak, aangesien ons nie die tent hoef op te vou en pak nie, het ons die pad gevat Kazangulu/Kasane toe.  Almal het ons gewaarsku dat die pad baie sleg is en dat mens maar versigtig moet ry.  Ons kon darem so tussen 60 en 90km/h handhaaf, wat dit natuurlik baie lig op die petrol gemaak het.

Ons was ook die heeltyd op die uitkyk vir olifante, want sightings is blykbaar algemeen.  Op hierdie stuk was die bokke, beeste en donkies merkbaar minder, seker oor die olifant teenwoordigheid.

Foto 1: Sonopkoms by Nata Lodge.  (Hoekom hou die sonopkoms en ondergang altyd bekoring in vir die mens?  Dis soos 'n kampvuur, almal staar altyd in die vuur in! Wat sien ons daar??
        2: Dis wat ons wou sien!
        3: Die padwerke en ...
        4: Die padkondisie.
        5: Ons het natuurlik baie van dit gesien!!

 

[Duster]

Ons was gelukkig om drie olifante langs die pad te sien.  Stoffies het beduie toe ons langs hulle was, maar met die omdraai en terug ry was hulle agter die droeë ruigte, en ons kon net hul profiele uitmaak.  Dit was ook die laaste sien van ou olifant tot in Kasane.

Dis so 300km van Nata tot by Kazangulu, en ons wou net vir die senuwees petrol by Pandamatenga ingooi.  Ons stop was pure verniet, want die tenks was droog.  Gelukkig het die AT 'n groot tenk, en hy was nie dors nie.  Ons het in Kazangulu volgemaak met 13 liter, wat ons so 23km/liter gegee het.  Teen die spoed wat ons gery het, was dit te wagte.

Ons het boonste pad om gery na Choma river Lodge waar ons wou kamp.

Foto 1: Brunch tyd
        2: Daar lê reën voor (Het ek al gesê dit reën eers in Nov daar bo?)
        3: Die wind waai steeds sterk
        4: Chobe River Lodge se ingang.

 

[Duster]

Met die skoolvakansie was die kamp plekke vol, maar ons het eers by Cgoma Lodge geeet en ge R&R.  Hulle kos was baie billik geprys en baie smaaklik.

Daarna het ons al langs die oewer van die Choma Rivier by al die blyplekke aangegaan en kampplek gesoek.  Dis duidelik dat kampers altyd op die agtergrond geskuif word, maar ons is nie vol fiemies nie.  Uiteindelik het ons by Kubu Lodge ingeboek.
Foto 1: Rus en Vrede
        2: Choma rivier
        3: Honger!!!!
        4: Baie lekker slaai.
        5: Kubu Lodge

 

[Duster]

Kubu lodge is 'n baie lekker kampplek, en het 'n oulike eetplek/kroegie op die oewer van die Choma rivier.  Die kamp terrein is mooi uitgelê en over-all het ons baie lekker daar gebly.

Foto 1: Die lodge van die rivier se kant.
        2: Die rivier
        3: Stoffies vat 'n koue ene, of was dit nou weer 2/
        4: Die tent was redelik te ver om te stap van die kantoor af, met 'n vrag hout, so die AT moes dit maar aanry.
        5: Ons tentjie.

 

[Ian in Great Brak River]

Looks like a great trip, very large photo's though... good for the close ups...

 

[Duster]

Ian, yes I saw the tread getting broader at the beginning, then resized the next pics, but it stays so big. I can resize the next pics, but how do I get the thread smaller to make it easier to read? Please help. If anyone can do it for me, I'll appreciate.

 

[JACOVV]

Ian, yes I saw the tread getting broader at the beginning, then resized the next pics, but it stays so big. I can resize the next pics, but how do I get the thread smaller to make it easier to read? Please help. If anyone can do it for me, I'll appreciate.

Duster - moenie worry nie man - gooi die storie - ek geniet dit  :mwink:  Dis darem lekker as 'n ou se vrou / skelmpie / girlfriend saam met 'n ou die dinge kan ervaar.

Ek dink Ian geniet dit net so lekker . . . . .

 

[JC]

Ian, yes I saw the tread getting broader at the beginning, then resized the next pics, but it stays so big. I can resize the next pics, but how do I get the thread smaller to make it easier to read? Please help. If anyone can do it for me, I'll appreciate.

die stofskryf op die tafel foto is nog groot.

Lekker trip sover, definitief op die lys.

:thumleft:

 

[SchalkL]

Ek sal 'n groter screen moet kry om die trip te volg maar lyk absoluut COOL !!!

 

[Malibu]

I'm actually reading an afrikaans RR! 

Keep going!  Great so far!  ;D

 

[Kenisis]

Nice one guys!

 

[Duster]

Ek wil die topic stop en 'n nuwe een begin as "Vervolg:  Botswana, Zambië, Zim, Africa Twin en 15 dae ..." en dan kleiner pics plaas.  Dit gaan soos 'n vervolg wees.  Die thread lees rerig te moeilik.  Jammer julle.

Malibu, thanx for putting in the effort. :biggrin:

See you at the new topic!