Tankwa toe via die Rantepad
Sedert ek gehoor het van die Rantepad tussen Sutherland en Fraserburg, wou ek hom gaan ry. Gereeld moes ek dit uitstel, eers was dit Covid en later allerlei ander dinge. Vroegjaar het ons besluit op Augustus’22, nou of nooit.
So het ons vanuit Weskaap en die jongmense vanuit Ooskaap in Sutherland bymekaargekom en oorgeslaap in die Heksehuis. Vroegaand by die White House gaan rugby kyk en lekker geeet. Laataand voor die kaggel gesit in die Heksehuis. Sneeu is voorspel en ons het gewonder hoe dit sal wees om in sneeu te ry.
Sutherland laataand op pad terug na die gastehuis
Lekker voor die kaggel
Vroeg die volgende oggend het ons mans die pad gevat. Die vrouens het per motor teruggery na die beskawing.
Ongelukkig was daar geen teken van voorspelde sneeu nie, dit was wel bitter koud.
Die roete van die dag was ooswaarts op die R356 verby die sterrewag en 11km verder by die Bloupoortpas regs afdraai op die Rantepad na Fraserburg. Van Fraserburg af weswaarts via Middelpos na Gannaga Lodge
Die sterrewag is op n koppie en daar was heelwat sneeu oral op die koppie. Ons het by die (toe) hek stilgehou en gewonder hoe ons by die sneeu kon uitkom. Minute later het iemand per motor by die hek opgedaag, oopgemaak en vir ons beduie om in te ry.
Al het die sneeu yl gelê, was dit baie mooi daar bo by die teleskoop.
Die afdraai na die Rantepad is 11 km anderkant die sterrewag by die (klein) Bloubergpas.
Naby die plaas Kromkolk is die tweespoor wat na die Karelskraalpas lei. Hierdie roete na Merweville is n juweel, maar ongelukkig is dit sedert laasjaar gesluit vir vrye toegang.
‘n Paar km verder is ‘n kort pas, plaaslik bekend as die Nuweveldpas (is die regte naam dalk Sterboompas?). Dit is kort (2km), met mooi oppervlak, effens steil en baie lekker om te ry.
Baie mooi uitsig na die suide vanaf die bo-punt.
Op sy kruin is ‘n gedenkgraf vir nege Engelse soldate wat in ‘n hinderlaag gesterf het.
Die avontuurlustige manne het ‘n steil wal aangedurf
Die hele Rantepad is lekker en maklik om te ry. Hier en daar ‘n erg verspoelde kol. Dele van die pad kronkel tussen dolomiet rotse deur --- dit laat mens dink aan plekke in die Sederberge.
Dit was Sondag en ons het vroeg uit Sutherland vertrek.
Ons het besluit om lekker te brekfis in Fraserburg.
Groot fout!!
Fraserburg is so stil soos ‘n Karoovlakte.
Nêrens enigiets wat lyk na koffie, wat nog brekfis!
Ons kon darem brandstof volmaak en die netjiese strate en geboue bewonder.
Iewers in die dorp het ons ‘n klein winkel/supermark raakgeloop.
Daar kon ons darem iets te ete saamflans.
Pastei, witbrood, smeerkaas en koekies.
Hiervandaan het ons suid-wes op die R356 gery en 11km later noordwes afgedraai op ‘n wye grondpad. Later het dit driespoor geword.
Dit was ‘n effe vervelige 54km totdat ons by die Rietrivier se brug gestop het vir koffie.
Kort daarna, in die omgewing van Vlieëkraal, het ons oor die Williston pad gery. Hiervandaan was dit 'n veel smaller pad, soms rowwe tweespoor. Lekker.
En selfs kolle losserige gruis wat klein bietjie eksra konsentrasie geverg het.
Laagwaterbrug deur die Renosterrivier
By die R354 het ons suid gedraai na Middelpos
Middelpos was stil en verlate op hierdie Sondagmiddag.
Ek verstaan dat hier nie meer brandstof te koop is nie. Dit het te doen met permitte/lisensies.
Kort anderkant Middelpos ry ons in die Tankwa Nasionale Park in
Skielik het die manne voor my stadiger gery. Dit is mos Eduro manne, wat nou?
Ek kon dit nie lekker verstaan nie, tot ek ‘n entjie verder besef het die pad hier was bedrieglik glad as gevolg van ‘n ligte bui reën.
Gelukkig geen drama.
Kort voor lank was ons ingeboek by Gannaga Lodge.
Aandete was fantasties ---- eers gebraaide skaapstertjies (ek het dit baie jare laas geeet) en murgsagte skaapnek.
Sononder oor die wye Tankwa, gesien vanaf die heuwel agter die Lodge.
More ry ons die Tankwa in...
https://wilddog.net.za/threads/goudgeel-tankwa.270695/
Sedert ek gehoor het van die Rantepad tussen Sutherland en Fraserburg, wou ek hom gaan ry. Gereeld moes ek dit uitstel, eers was dit Covid en later allerlei ander dinge. Vroegjaar het ons besluit op Augustus’22, nou of nooit.
So het ons vanuit Weskaap en die jongmense vanuit Ooskaap in Sutherland bymekaargekom en oorgeslaap in die Heksehuis. Vroegaand by die White House gaan rugby kyk en lekker geeet. Laataand voor die kaggel gesit in die Heksehuis. Sneeu is voorspel en ons het gewonder hoe dit sal wees om in sneeu te ry.
Sutherland laataand op pad terug na die gastehuis
Lekker voor die kaggel
Vroeg die volgende oggend het ons mans die pad gevat. Die vrouens het per motor teruggery na die beskawing.
Ongelukkig was daar geen teken van voorspelde sneeu nie, dit was wel bitter koud.
Die roete van die dag was ooswaarts op die R356 verby die sterrewag en 11km verder by die Bloupoortpas regs afdraai op die Rantepad na Fraserburg. Van Fraserburg af weswaarts via Middelpos na Gannaga Lodge
Die sterrewag is op n koppie en daar was heelwat sneeu oral op die koppie. Ons het by die (toe) hek stilgehou en gewonder hoe ons by die sneeu kon uitkom. Minute later het iemand per motor by die hek opgedaag, oopgemaak en vir ons beduie om in te ry.
Al het die sneeu yl gelê, was dit baie mooi daar bo by die teleskoop.
Die afdraai na die Rantepad is 11 km anderkant die sterrewag by die (klein) Bloubergpas.
Naby die plaas Kromkolk is die tweespoor wat na die Karelskraalpas lei. Hierdie roete na Merweville is n juweel, maar ongelukkig is dit sedert laasjaar gesluit vir vrye toegang.
‘n Paar km verder is ‘n kort pas, plaaslik bekend as die Nuweveldpas (is die regte naam dalk Sterboompas?). Dit is kort (2km), met mooi oppervlak, effens steil en baie lekker om te ry.
Baie mooi uitsig na die suide vanaf die bo-punt.
Op sy kruin is ‘n gedenkgraf vir nege Engelse soldate wat in ‘n hinderlaag gesterf het.
Die avontuurlustige manne het ‘n steil wal aangedurf
Die hele Rantepad is lekker en maklik om te ry. Hier en daar ‘n erg verspoelde kol. Dele van die pad kronkel tussen dolomiet rotse deur --- dit laat mens dink aan plekke in die Sederberge.
Dit was Sondag en ons het vroeg uit Sutherland vertrek.
Ons het besluit om lekker te brekfis in Fraserburg.
Groot fout!!
Fraserburg is so stil soos ‘n Karoovlakte.
Nêrens enigiets wat lyk na koffie, wat nog brekfis!
Ons kon darem brandstof volmaak en die netjiese strate en geboue bewonder.
Iewers in die dorp het ons ‘n klein winkel/supermark raakgeloop.
Daar kon ons darem iets te ete saamflans.
Pastei, witbrood, smeerkaas en koekies.
Hiervandaan het ons suid-wes op die R356 gery en 11km later noordwes afgedraai op ‘n wye grondpad. Later het dit driespoor geword.
Dit was ‘n effe vervelige 54km totdat ons by die Rietrivier se brug gestop het vir koffie.
Kort daarna, in die omgewing van Vlieëkraal, het ons oor die Williston pad gery. Hiervandaan was dit 'n veel smaller pad, soms rowwe tweespoor. Lekker.
En selfs kolle losserige gruis wat klein bietjie eksra konsentrasie geverg het.
Laagwaterbrug deur die Renosterrivier
By die R354 het ons suid gedraai na Middelpos
Middelpos was stil en verlate op hierdie Sondagmiddag.
Ek verstaan dat hier nie meer brandstof te koop is nie. Dit het te doen met permitte/lisensies.
Kort anderkant Middelpos ry ons in die Tankwa Nasionale Park in
Skielik het die manne voor my stadiger gery. Dit is mos Eduro manne, wat nou?
Ek kon dit nie lekker verstaan nie, tot ek ‘n entjie verder besef het die pad hier was bedrieglik glad as gevolg van ‘n ligte bui reën.
Gelukkig geen drama.
Kort voor lank was ons ingeboek by Gannaga Lodge.
Aandete was fantasties ---- eers gebraaide skaapstertjies (ek het dit baie jare laas geeet) en murgsagte skaapnek.
Sononder oor die wye Tankwa, gesien vanaf die heuwel agter die Lodge.
More ry ons die Tankwa in...
https://wilddog.net.za/threads/goudgeel-tankwa.270695/
Last edited:
