Flatout met Lindsay en Robin deur die berge ( Robin's video now added )

[Flatout]

Na ’n holderstebolder begin van die jaar wat ook nog ’n verhuising ingesluit het, kry ek uiteindelik weer kans om te ry. Ek , Lindsay (my dogter) en Robin Brown wat altyd reg is vir ry vat toe ook sommer onmiddelik die pad.

Hier trek ek en Lindsay voor die huis weg.

 

[Flatout]

Ons wil so gou as moontlik in die "lekker wêreld" kom en ry met mening tot anderkant Slanghoek voordat ons stop.

 

[Tony the Bony]

nice to see folk wearing protective kit.

 

[Flatout]

Oral is daar dele wat gebrand is en die land lyk ongekend droog. Buite Ceres, wat altyd groen is, lyk dit of jy in die Vrystaat of iewers anders is.

 

[Flatout]

Na ’n lekker kuiertjie by die Padstal ry ons Katbakkies oor Sederberge toe. Die Tankwa Padstal lyk fantasties en die gasvryheid is natuurlik soos altyd onoortreflik. Wat ’n aanwins vir die samelewing.

By Mount Ceder se koelte bome rus ons 'n bietjie.

 

[Flatout]

By ons slaapplek aan gekom kry ek en Lindsay ’n splinternuwe tent met nuwe beddens en matrasse . Het lanklaas vir tien uur geslaap, dis amper dubbel aan dit waar aan ek gewoond is.

 

[Flatout]

Die aand eet ons lekker en word toe ook sommer nog op die koop toe getrakteer met musiek verskaf deur ’n blinde man wat ook daar gekuier het.

 

[Keith Barbier]

  :sip: :thumleft:

 

[Garfield]

Gawe fotos, goed om julle te sien daar by Paarl de Ville  :thumleft:

 

[Flatout]

’n Middeljarige man wat glad nie soos ’n motorfietsryer lyk nie het Vrydag met dié CX500 Sederberge toe gery. Ongelukkig het hy verdwaal, 01:00 die nag iewers geval en sy fiets se koppelaar beskadig en toe maar sommer daar in die veld oornag. Tien uur die oggend is hy eers gered.

 

[Flatout]

Sondag oggend na ’n lekker ontbyt is ons toe met ’n ompad deur OP-Die-Berg Citrusdal toe. Loop toe twee heel verdwaasde Harley Davidson ryers raak wat probeer om Middelbergpas te ry. Hulle moes maar handdoek in gooi en omdraai. Hulle, man en vrou, is van Pietersburg en oppad Klawer toe. Wou die kortste pad ry en slaan toe sommer ’n super langpad los.........shame!

Paar foto's op dié pad.

 

[Flatout]

1. Net voor Middelbergpas
2. Lindsay
3. My getroue ysterperd
4. Hangswewer bo-kant ons koppe

 

[Flatout]

Net buite Gouda is hulle besig om ’n groot Windlaaier aanleg te bou. Indrukwekkende groot goed wat vêr raak gesien kan word.

 

[Flatout]

Hier na hang ons skuins in die wind en ry net om by die huis te kom. Net voor Paarl de Ville jaag ’n GS1200 my verby dat ek dink dis nou tyd om my forum naam na "Low Gear " te verander. Vergeet vir ’n oomblik van hom, om net ’n entjie verder deur die einste ryer gestop te word en ingenooi te word vir ’n drankie. Was nog nooit by dié plek nie en maak sommer onmiddelik gebruik van die geleentheid. Robin moet nog Simonstad toe en besluit om maar eerder verder te ry.
Wat ’n aangename verrassing was Paarl de Ville nie en toe loop ons ook nog vir Garfield en sy vriend daar raak, oppad terug vanaf Koedoeskloof.
Maar om terug te keer na my nuwe jaagduiwel van ’n vriend, hy en sy vroutjie is seker van die mees spontane en vriendelikste mense wat ek al ooit ontmoet het. Dankie julle twee, ek en Lindsay het dit verskriklik waardeer. Wens daar was meer mense soos julle.

Hier sit Lindsay by Pieter en Christel (Crazeec op forum)

 

[Flatout]

En nou is ek weer terug by die huis............  :crybaby2:

Tot daar weer iets is om te pos, veilig ry!   :thumleft:

 

[Gerard]

:thumleft:

 

[Dorsland]

Lekker Flatout, sommer so 'n naweek rit.  Kerels, maar ons land is nou kurkdroog, waaragtig 

 

[arno]

Dankie dit was nou lekker .

 

[Lem]

Dis n gawe trip, Flatout.

mooi fotos, thanks vir die deel  :thumleft:

 

[Tony the Bony]

Brings back memories...nice photos Flatout. Nice bike Robin!!