Karoo Rider
Race Dog
- Joined
- Sep 1, 2012
- Messages
- 1,900
- Reaction score
- 1,038
- Location
- Ladismith WC
- Bike
- Honda CRF-1100L Africa Twin
Ek het vroegoggend wakker geword met een ding in die kop: daar sal dringend moet stofskoeter gery word vandag. Die uitputtende hitte van die laaste paar dae het my gou laat besef dat enige aksie vroegoggend sal moet plaasvind, en ek's daar weg met 'n bottel water en 'n blikkie bier.
Na ChrisL se onlangse trippie waar hy vir Johantjie 'n skooltas geneem het, moes ek eenvoudig gaan kyk hoe daai area van nader lyk. Ook was daar 'n afdraaipaadjie wat ek al my lewe lank dophou maar nog nooit gery het nie: dis rofweg tussen die Plathuis/Touwsberg afdraai en Ronnie's, en volgens die kaart sluit hy weer by die Plathuis pad aan. Groot was my teleurstelling egter toe ek skaars 200m van die teerpad af by 'n geslote hek moes omdraai. Rofweg vertaal het ek verlangs iets soos "verdomp" gemompel terwyl ek die GSA se neus weer omgedraai het.
Gou het die vroegdag hitte reeds 'n droë kol in my keël begin vorm - ek hoop Ronnie's is al oop vir 'n koeldrank (as hulle so iets het!), maar veiligheidstralies het die inhoud beman. Reeds natgesweet vind ek 'n kraan by 'n buitetoilet, maar toe spinnekop se kind plus 'n paar stukkies nesmaakgoed daar uitspoel maak ek liewer net my kop en gesig nat, en begin drink maar solank aan my botteltjie noodwater uit die tailbag.
'n Kort teerpad verder draai ek links af by die Brandrivier bord, en stop vlugtig om die ABS en ASC af te skakel - tyd om te doen waarvoor ek gekom het, en dis om lekker grondpad te ry! Soos dit enige GS ryer betaam staan ek op en die koel wind van voor bring lafenis. 'n Pragtige pad deur 'n plek-plek groen vallei bring my eers tot by die Gysmanshoekpas se afdraai regs, en skaars 100m verder draai ek op die eerste pad noord in die rigting van die Miertjieskraaldam.
Verleidelike (en misleidende!) draaitjies kronkel tussen die bar koppies deur, totdat die Brandrivier begin skou met sy groen rivierwalle. Na 'n hek of drie se oopmaak kan ek weer gesig natmaak by 'n laagwaterbruggie, en merk dat daar sommer 'n natuurlike kampterreintjie daar naby is - sal moet uitvind wie se grond dit is!
Net toe ek wil regmaak om die volgende hek oop te maak, word ek voorgespring deur 'n "sekuriteitswag" - dis Johantjie. Ek gesels vlugtig met hom en sê dat hy moet mooi leer volgende jaar met die skoolsak wat Oom Chris vir hom gebring het, en hy glimlag breed terwyl hy met kopknik beaam. Ook sy ouers en vriende waai vriendelik vanuit die skadu van 'n klein koelteboom. Dis harde wêreld dié.
Die paadjie kronkel steil uit en word plek-plek los met slegplekke - mos nes ek daarvan hou! Deurentyd word ek vermaak deur die ongelooflike vergesigte vanwaar ek hier nou bo-op die koppies ry, maar sak kort daarna af in die valleitjies - die dam moet nou naby wees. Ongelukkig besef ek na 'n bietjie rondsoek dat die hek wat ChrisL gelukkig was om oop te vind, vandag gesluit is. Nietemin was dit 'n besondere stukkie pad wat ek beslis weer sal kom ry.
Vandaar ry ek teerpad terug en draai links af by Ockertskraal op die Baviaanskrans/Buffelsdrif grondpad. Die vorige keer was dit seepglad van die modder hier, maar vandag is dit lieflik en kort-kort word die Duitse perde bietjie kragvoer gegee. 'n Paar sanderige driffies en uitgespoelde spore verder ontdek ek uiteindelik die plek om daai alleenloper bier van kant te maak - 'n rivierlopie onder digte doringbome. Ongelukkig is 'n bier van in die 30ºC nie my idee van plesier nie, en na twee slukke is dit net sy skuim wat op die droë spoelsand oorbly. Afgesluk met die res van my water keer ek huiswaarts via Vaalbank en Grootrivier. Daar's mos immers "regte" bier in my yskas!
Na ChrisL se onlangse trippie waar hy vir Johantjie 'n skooltas geneem het, moes ek eenvoudig gaan kyk hoe daai area van nader lyk. Ook was daar 'n afdraaipaadjie wat ek al my lewe lank dophou maar nog nooit gery het nie: dis rofweg tussen die Plathuis/Touwsberg afdraai en Ronnie's, en volgens die kaart sluit hy weer by die Plathuis pad aan. Groot was my teleurstelling egter toe ek skaars 200m van die teerpad af by 'n geslote hek moes omdraai. Rofweg vertaal het ek verlangs iets soos "verdomp" gemompel terwyl ek die GSA se neus weer omgedraai het.
Gou het die vroegdag hitte reeds 'n droë kol in my keël begin vorm - ek hoop Ronnie's is al oop vir 'n koeldrank (as hulle so iets het!), maar veiligheidstralies het die inhoud beman. Reeds natgesweet vind ek 'n kraan by 'n buitetoilet, maar toe spinnekop se kind plus 'n paar stukkies nesmaakgoed daar uitspoel maak ek liewer net my kop en gesig nat, en begin drink maar solank aan my botteltjie noodwater uit die tailbag.
'n Kort teerpad verder draai ek links af by die Brandrivier bord, en stop vlugtig om die ABS en ASC af te skakel - tyd om te doen waarvoor ek gekom het, en dis om lekker grondpad te ry! Soos dit enige GS ryer betaam staan ek op en die koel wind van voor bring lafenis. 'n Pragtige pad deur 'n plek-plek groen vallei bring my eers tot by die Gysmanshoekpas se afdraai regs, en skaars 100m verder draai ek op die eerste pad noord in die rigting van die Miertjieskraaldam.
Verleidelike (en misleidende!) draaitjies kronkel tussen die bar koppies deur, totdat die Brandrivier begin skou met sy groen rivierwalle. Na 'n hek of drie se oopmaak kan ek weer gesig natmaak by 'n laagwaterbruggie, en merk dat daar sommer 'n natuurlike kampterreintjie daar naby is - sal moet uitvind wie se grond dit is!
Net toe ek wil regmaak om die volgende hek oop te maak, word ek voorgespring deur 'n "sekuriteitswag" - dis Johantjie. Ek gesels vlugtig met hom en sê dat hy moet mooi leer volgende jaar met die skoolsak wat Oom Chris vir hom gebring het, en hy glimlag breed terwyl hy met kopknik beaam. Ook sy ouers en vriende waai vriendelik vanuit die skadu van 'n klein koelteboom. Dis harde wêreld dié.
Die paadjie kronkel steil uit en word plek-plek los met slegplekke - mos nes ek daarvan hou! Deurentyd word ek vermaak deur die ongelooflike vergesigte vanwaar ek hier nou bo-op die koppies ry, maar sak kort daarna af in die valleitjies - die dam moet nou naby wees. Ongelukkig besef ek na 'n bietjie rondsoek dat die hek wat ChrisL gelukkig was om oop te vind, vandag gesluit is. Nietemin was dit 'n besondere stukkie pad wat ek beslis weer sal kom ry.
Vandaar ry ek teerpad terug en draai links af by Ockertskraal op die Baviaanskrans/Buffelsdrif grondpad. Die vorige keer was dit seepglad van die modder hier, maar vandag is dit lieflik en kort-kort word die Duitse perde bietjie kragvoer gegee. 'n Paar sanderige driffies en uitgespoelde spore verder ontdek ek uiteindelik die plek om daai alleenloper bier van kant te maak - 'n rivierlopie onder digte doringbome. Ongelukkig is 'n bier van in die 30ºC nie my idee van plesier nie, en na twee slukke is dit net sy skuim wat op die droë spoelsand oorbly. Afgesluk met die res van my water keer ek huiswaarts via Vaalbank en Grootrivier. Daar's mos immers "regte" bier in my yskas!
eepwall:
