Vir my was die naweek oor kuier met tjomme,… en die Kopeet, so julle moet maar verskoon as ek bietjie uitbrei daaroor. My Kopetery het by laasjaar se National Bash begin en as ek nou die kans kry, dan gooi ons. Hierdie was nou die tweede keer wat ek en Bie in die veld kopmaak. Dit vat bietjie logistieke reëlings, maar maak dit soveel lekkerder.
Om reëlings te vergemaklik sou ons eers by die Llookout in Kirkwood kopeet, maar met die Wildsfees die naweek, het die plan deurgeval en ons reken toe ons maak kop daar in die veld. Ek moes bietjie rondval om die koppe te kry maar als is toe gesort. Nou moes ek eers leer wat om te doen en so gee Bie en Kwaatjie leiding.
Vir my begin die naweek toe al die Vrydagmiddag, want die koppe moet skoongemaak word. Bie sout dit dan kom haal en die plan was om dit nou Saterdag oggend, daar op die plaas by sy pa-hullete kook, voor ons spookhuis toe gaan. So leer ek nou met die proses, want ek hou daarvan om te weet.
Die tandjies word mooi skoon geborsel
Saterdagoggend sleep ek uit plaas toe en kuier eers lekker met Bie se pa en ma terwyl ek vir hulle wag.
Jmol kon ongelukkig nie die naweek maak nie, so ek dag ek sal net so ietsie vir hom gooi dat hy kan sien wat hy als gemis het.
Windpomp oppad plaashuis toe
Bie en die familie daag op en ons maak reg vir die kokery, terwyl daar ‘Hoe Maak Mens’ gesels word. Ons leer nog almal soos dit aangaan, maar kom al mooi reg. Kwaatjie, dis nou Bie se vrou, is die een met die finale sê.
Terwyl die koppe aan die kook is…
… loop ek so bietjie rond , want daar’s mos altyd skatte wat rondlê op so ou plaas. ‘n Ietsie vir ChrisL
Wanneer laas het julle so ‘n driewiel gesien, om van die twee AG’s nie eers te praat nie. Bie se eerste Adventure Bike. Sou wat wou gee om hulle onder hande te kry vir ‘n projek.
Dan’s die koppe gaar, word nog ‘n slag mooi gewas, ons pakop en is reg om te ry spookhuis toe.
Net toe daag die res, wat op Glenconner bymekaar gekom het op, en ons sleep.
Daar gekom, soek elkeen vir hom ‘n plekkie tussen die bossies, kamp word gemaak en die Webers aan die gang gesit vir die koppe.
Daai treiler, wat Bie uitgesleep het was ‘n wenner.
Dirty XT, met sy nuwe ryding, het ‘n vinnige draai kom gooi. Duidelik het die man goeie smaak met daai swart TENERE.
Die vuur is reg en die koppies word gepak
Intussen het die Arende opgedaag en vir die res van die middag is Louis nooit ver van daai Webers af nie.
Hy maak net gou seker als is nog reg. Bie se Weber is bietjie vining.
Nou op heelwat van die fotos sal julle let dat almal se aandag erens is, waar daar duidelik iets gebeur. Nemodakar was daar en die wat hom ken sal verstaan. Die man se manewales hou net nooit op nie. En Louis hou die ketels dop
Ons gashere vir die naweek… Die regte BIE,( wat op die grond lê), ons Bie en Kwaatjie. Thanks vir al julle moeite
Julle moet mooi verstaan dat ons die Kopeet ernstig opneem. Groepfoto van die Rammetjie-uitnekke met ons nuwe T-shirts. Met die eet het Bie nou RAMKAT geraak. Die Arende, Louis en Nannie, Bie, BEN TEN en ekke.
En dan word daar kop geëet.
Die Aasvoëls slaan toe. Die man het my kop skoon onder my uitgeëet.
Eerste kopeters… Beagle Boy en n0b0dy lê weg.
En so verwyl ons die res van die middag met lekker kuier. Toe die sonnetjie agter die berg verdwyn kom die koue en die vuurtjie word aangesteek
WTF ? Jy kan hierdie BMW ryers ook nerens heen vat nie
Die son sak, ons kuier, braai en gesels lekker.
Knucklehead en sy seun Jason daag onverwags op en kuier ‘n rukkie saam
Tiger8 lees vir ons spookstories
Ons het nou wel nie spook gesien nie , maar lekker gekuier, soos net ‘n klomp Honne kan, en die Ooskapers is ‘n lekker klomp.
Volgende oggend is ons vroeg op, maak biejie warm, drink koffie en so tydsaam word daar gepak en is dit tyd om te ry.
Thanks aan almal vir ‘n great naweek. Swart Baard ,wat met die idee vorendag gekom het. Volgende jaar doen ons dit weer. Die Arende wat van ver gevlieg het om saam te kuier. Sien uit na volgende naweek se “Fly with the Eagles”
En aan ons gashere… dankie vir al die moeite.
En Robert ?… nee, ek dink ons los dit eerder. Of nie, ‘n kuier sonder jou sal net nie dieselfde wees nie.
