Right, alles is nou skoon en weg na die naweek, nou kan ons verder toer.
Dag 5 se roete is vanaf Solitaire via Spreetshoogte na Swakopmund. Afstand 390km.
Met die wegtrek by Solitaire loop ons wraggies weer vir Wimpie raak. Hy ry toe 'n entjie saam met ons tot by afdraai na Spreetshoogte. Wimpie is die silwer helmet.
By die bord, het ek amper Wimpie se been afgeskop. Hy gaan vertel dan toe vir die ander manne ons is mal om die pad te wil ry, sal nooit anderkant uitkom nie!
Die pad is die D1275. Spreetshoogte is glad nie so erg nie, nogal steil maar die ergste stukke is geplavei.
Daarna het die gala egter begin. Ons dag toe ons is deur en nou is dit net lekker grondpad tot binne Walvisbaai.
Kyk maar self.
Modder, diep uitgetrapte spore onder die water en jy is lekker vuil!!
Hieride foto is aan die uitkomkant! Dis by Nouchas, of dan baie naby aan dit, die plekkies is bitter klein, partykeer net 'n paar volkshuisies met 'n naam!
Hierdie foto is die C26 afdraai na Walvisbaai
Hierdie is die C14 na Walvis, 'n eentonige stuk pad vol sinkplaat. Gelukkig rook die Butler, so ons kan darem so af en toe stop.
Duin 7 net voor Walvis, Jannie was daar in die army en hy het amper kat geskiet, seker van heimwee!
Hulle het daai duin probeer plathardloop vir Volk en Vaderland, Ai ou groot Krokkodil, jy het ons darem lekker geroof!
In Walvis het ons petrol ingegooi en iets by die Spur geëet, kos was ok, net moer baie vlieë!
Dis die eerste keer wat ek die petrolpapsakkie gebruik het en lyk my ek sal 400km met gemak kan haal.
Daarvandaan Swakop toe was 'n yes en 'n no en ons het ons great pozzie gaan soek. Dis nou 'n konnekka van 'n swaer se broer se vrou se antie se huis! Dit sou sommer 'n rusdag ook wees.
Die pozzie met die manne wat afkoel, Dis daar waar Henning die naam Butler gekry het. Ons kleertjies mooi gewas en opgevou!.