Foto 1. Daar is baie trokke wat gebreek langs die pad staan, maar die een het sommer oor die pad gestaan, en na aanleiding van die klere wat oor die bome gehang het, het hy reeds 'n lang ruk daar gestaan.
Een van ons prioriteite van die trip was om vir Lodie de Jager, 'n huis- en biker vriend 'n guns te doen. In 2008 het hy op een van sy vele togte op sy KLR, op 'n dames biker afgekom wat iewers in Zambie onder 'n boom gesit en huil het. Hulle het vir baie lank en ver afstande saam gery en sielsgenote geraak. Dinge het lank daarna gevorder totdat sy hom laat weet het dat sy SA toe wou kom om met hom te trou. Maar voor dit kon gebeur, het sy in omstrede omstandigede net verdwyn om nooit weer van geisen of gehoor te word nie. Hy het 'n boek oor hulle ervarings en liefde geskryf met die naam "Kate". Lees dit gerus.
Na haar "dood", het hy op 'n volgende trip 'n plaatjie met haar naam op, teen die boom gaan vasslaan. Die aand voor ons vertrek het op ons trip, het hy vir ons 'n kruisie gebring, en ons gevra om die kruisie by die plaatjie te gaan posit, vir Kate.
Ons het met twyfel nader aan die gps waypoint gery en gewonder of die boom nog staan, want teen die tempo wat hulle bome afkap, sou dit 'n wonder gewees het. Maar toe die gps my laat stop, het ek afgeklim en reguit na die boom toe gestap. Die plaatjie was steeds daar. Ons het 'n rukkie daar vertoef, die kruisie vasgeslaan en verder gery. Dit was vir ons 'n bewoe oomblik, aangesien ons nie weet of Lodie weer die kans gegun sal word om die boom in die toekoms weer sal kan besoek nie. Hy stoei tans teen agressiewe kanker en het reeds 'n 2de brein operasie gehad. Soos ek nou hier tik, is hy in Die Wilgers en herstel, maar dit gaan baie swaar. Ons gebede gaan op vir jou, my groot vriend, en ons vertrou dat jy eersdaags weer by jou eie huis sal wees en daar sal kan aansterk.
ot:
