Ek was nie lus om op te staan toe die wekker afgaan Saterdagoggend ses uur maar iewers
tussen Riversdal en Ladismith het ek wakker geword!!!! :eek7:
Koffietjie by KR en ons ry.
Net na die afdraai uit die Moordenaars Karoopad.
Plek plek was die pad nat en die blomme probeer oopmaak in die koue weer.
Hoe hoër ons klim na Komsbergpas hoe harder byt die ysbere. Bo op die berg is dit n
dun ses grade!!
Dik geeët en vol petrol vat ons die pad Merweville toe. Pragtige area en doodstil.
Geen mens in sig. Die hekke begin. Hier moes baie water op n keer geloop het om die damwal te breek.
Rammelkoppas. Louis het ons later die aand vertel sy oupa en bure het die pad
gemaak om met hul vee te trek na ander plase bo op die berg.
Die paadjie wat ek al lankal "eye" vanaf Merweville skuinsdeur na Leeu Gamka se rigting
was n verrassing. Was die padskraper nie die week vantevore op hom sou ons sports
gehad het. Die byna 20 hekke kon die padskraper egter niks aan doen!! :eek7: In totaal
is dit 42 km lank en net een persoon woon daar. Die res van die plaashuise staan leeg
aangesien die plase almal aan een eienaar behoort. Ek het darem een hek oopgemaak
maar is daarna vriendelik dog ferm aangeraai om dit nie weer te doen!! :eek7:
KR het +- 40 hekke oop en toegemaak op die trip. Dankie maat. :thumleft:
Skemeraand sak ons by Louis in. Die 500iets kilos vir die dag was so raps meer as wat ek
gereken het dit sou wees.
Bobby en Apie verniel die skaaphond. Hulle ry saam met hom agterop die dakrak van die
cruizer se tralies as hulle veld toe gaan of dorp. Die twee vrek glo oor ry.
Oppad Oukloof toe.
Die Rantepad sal my weer sien :drif:
Ons vat die pad uit Sutherland uit Sondagmiddag na die eienaar van die
fracking Shell
garage my teleurgestel het deur nie oop te maak. Gelukkig het ek n GSA tenker by my!!
Die hekke begin weer en die pad raak nouer en ons kom agter ons is nie meer op die pad
wat ons dink ons is!! :eek7:
n Onbeplande kuier volg by Altus en Yolanda en was dit nie lekker nie!!! :thumleft:
Maandag vat ons die regte "veranderde" roete Frazerburg toe en toe Moltenopas oor
na Beaufort Wes. Daardie aand kamp ons so 10-12 kilos in op die Gamkapoortpad.
Dit was n gawe besluit met die waterstroom onderkant ons wat heelnag kabbel. Min
het ons ook geweet dit sal ons koudste nag wees :eek7:
Dinsdagoggend vat ons ons tyd om op te pak. Ons weet die trip is byna op n einde en
daar is geen haas.
Die pad Calitzdorp toe al teen die Swartberge is prentjiemooi. :thumleft:
By die T aansluiting gaan ons links Kruisrivier se kant toe.
Ons drink n koffietjie in Calitzdorp en stop ons weer in Ladismith en laatmiddag is ek
veilig by die huis na 1500kms.
Dis was die tweede trip wat ek en KR vanjaar saam doen en dit was weereens lekker. :thumleft: