So met die ry vanoggend het ek op my plan besluit... Rooibergpas oor in Ladismith se rigting, sê hello vir Veltie, gooi petrol in, trek geld en dan Garciapas oor Riversdal toe, sê hello vir Chris en Amanda op Stilbaai, slaap erens langs die see en more George toe.
Maar soos julle weet, die paadjie hel toe is geplavei met die beste bedoelings.
Rooibergpas is mooi en die pad in goeie toestand(OK, vir die regte bike en die DR is die regte bike)
Dis lekker om weer op my eie te wees. Ek het die paar dae se saamry geniet, maar in my binneste is ek 'n solo ryer. Dis geen refleksie op my rygenote nie, dis ek wat 'n kluisenaar is. Dis maar eers die laaste paar jaar op WD's wat ek probeer om sosiaal te wees. :3some:
By die top van Rooibergpas pak ek eers my klippie op die staple om dankie te sê en ander rysigers goed toe te wens