Gamkaskloof saam met Flatout en vriende

Dis die laaste naweek van die skoolvakansie toe ek, gwild en Breinsel uit die Kaap uit ry onder dreigende onweers-wolke. Ons ry teer tot op Montagu en gaan hier na af op die grondpad oor Oubergpas in die rigting van Ladismith. Hier kom gwild 650Dakar en Breinsel Xt660 net bo-op Ouberg uit.

Nog ’n paar foto's op dié lekker-ry pad

Die wêreld is droog maar ons kry dié waterdriffie skielik om ’n blinde draai en dit sorg vir groot opwinding, veral toe Breinsel uitshort van skrik en volspoed deur die water jaag. Hy't geruime tyd hierna nog aan die Piering-oog Sindroom gely  :imaposer:

Die pad is lekker glad en ons ry flat out tot dat ek net voor die Rooinekkepas in dié Cow-Boy poort stop.
gwild is so beïndruk met sy Dakar dat hy amper die steilte af loop!

Na ’n sieldodende stuk teerpad kom ons uiteindelik in Prince Albert aan waar ons vir jupiter met sy soveelste koppe koffie op die Swartberg Hotel se stoep aan te tref. Ek is totaal en al ontwater en drink sommer die eerste bier terwyl die verdwaasde kelnerin dit nog aflewer. ccasion14:
Hier sit ek, jupiter en gwild

Hierna ry ons die 6km na Oudekloof plaas waar ons in ’n regte boskamp tente opslaan en aan die kuier raak.

Die volgende oggend voel die slimste onder ons ook nou nie juis baie rats nie    :lol8:

Koning Doringkrans se troon!

Die volgende oggend besluit Breinsel om sy eie koers in te slaan en ek en die ander twee gaan eet eers ’n ontbyt in die dorp voor dat ons die Swartberge aandurf. Bo-op die berg by die uitkyk punt sluit grim101 by ons aan op sy DL 650 V-Strom .

Op die eerste foto lyk dit of gwild vir jupiter wil jaag op sy groot DR750 single.

Op die laaste foto staan gwild, jupiter en grim101

Hierdie pa en ma met hulle seun kom uit die hel uit en moes defnitief hulle ATGAAT by dieselfde plek gekoop het as 2StrokeDan    :spitcoffee:

Hierna ry ons af hel toe.

Hierdie Kapokhaantjie steur hom nie aan ons nie en hou sy "pose" onder die henne.  :3some:
Lyk my die een ou hen word bietjie mishandel.

Vir almal wat altyd wonder of voorwiel-grootte saak maak, hier is die antwoord!
Iemand het die fiets hier in gery en glad nie weer kans gesien om dit uit te ry nie........ of was dit dalk oor die steiltes?

Gamkalina is baie mens sku en kyk skaam weg toe ek aan haar vat. 

Moet darem sê dat haar bleskop my so ’n bietjie afgesit het  :-\

Hierdie waterdriffie met sy slymerige klippe het gesorg vir ’n paar oneervolle swaaie en bootse wat flink weg getrap is onder die water  :imaposer:

Amper weer bo-op die berg stop ons onder die Kurkeikeboom om af te koel na die groot sweet.

Die son sit nou al laer en veroorsaak mooi skadu-kontraste in die klowe.

Hierdie plantjie groei uit ’n dooie uitgebrande stomp, ’n les vir enige een wat hulle omstandighede blameer.

Die derde dag ry ons weer oor die pas en toe met die Groenfonteinpad Calitsdorp toe. Tien kilometer voor die einde eet ons ’n heerlike ontbyt by ’n kunsgallery/restaurant in die bosse.

Nice trip.  :thumleft:


Wat het julle gemaak dat die ou agter julle so dik bek lyk.  :imaposer: :imaposer: :imaposer:

Nog foto's op die plek.