Karoo Rider
Race Dog
- Joined
- Sep 1, 2012
- Messages
- 1,900
- Reaction score
- 1,045
- Location
- Ladismith WC
- Bike
- Honda CRF-1100L Africa Twin
Na ek my verbeel het dat ek 'n stukkie blou lug vanoggend gesien het, besluit ek om darem net so bietjie te gaan kyk hoe die Klein Karoo na die lekker reën lyk. Die driffies vind ek inderdaad aan die loop en die kruie-agtige reuk van klam grond en veldbosse waai koel onder die visor in.
Plek-plek diep dongas gespoel en die potklei gate lyk lus vir my tappet guards, maar met 'n keer of wat se afklim en deurstoot was dit darem nie nodig om my bike optel vermoëns op die proef te stel nie.
Van Ladismith af het ek weswaarts gery in die rigting van Dankoord, Winkelplaas, Grootrivier, deur tot by Goggadou, en oor die hekke-kop tot by die ou Vensterkrans treinstasie. Daarvandaan net oor die teerpad en af met die Baviaanskrans pad in die rigting van Ockertskraal. Daar by 'n plaas ingery maar my later teen geslote hekke vasgery, en dus weer omgedraai, en oor die Grootrivier in die rigting van Van Wyksdorp.
Heelpad het daar druppels geval, maar hier het die groot sluise weer begin oopmaak, en by die Mond-van-Pietsrivier T-aansluiting keer ek links terug na Ladismith. Van voor af kry ek 'n padskraper op spoed wat skynbaar klaar vir die dag gewerk het. Kort daarna kom ek sy werk teë: 'n vars geskraapte pad, of laat ek eerder sê: die middelmannetjies is nou weer netjies oor die hele pad versprei...
Staande en met my spoed laag het die los klippe, modder en toegereënde visor darem nie een tot aksie oorgegaan nie, en ek het sonder insident, maar wel effe deurweek, by die huis aangekom.
Groete!
Plek-plek diep dongas gespoel en die potklei gate lyk lus vir my tappet guards, maar met 'n keer of wat se afklim en deurstoot was dit darem nie nodig om my bike optel vermoëns op die proef te stel nie.
Van Ladismith af het ek weswaarts gery in die rigting van Dankoord, Winkelplaas, Grootrivier, deur tot by Goggadou, en oor die hekke-kop tot by die ou Vensterkrans treinstasie. Daarvandaan net oor die teerpad en af met die Baviaanskrans pad in die rigting van Ockertskraal. Daar by 'n plaas ingery maar my later teen geslote hekke vasgery, en dus weer omgedraai, en oor die Grootrivier in die rigting van Van Wyksdorp.
Heelpad het daar druppels geval, maar hier het die groot sluise weer begin oopmaak, en by die Mond-van-Pietsrivier T-aansluiting keer ek links terug na Ladismith. Van voor af kry ek 'n padskraper op spoed wat skynbaar klaar vir die dag gewerk het. Kort daarna kom ek sy werk teë: 'n vars geskraapte pad, of laat ek eerder sê: die middelmannetjies is nou weer netjies oor die hele pad versprei...
Staande en met my spoed laag het die los klippe, modder en toegereënde visor darem nie een tot aksie oorgegaan nie, en ek het sonder insident, maar wel effe deurweek, by die huis aangekom.
Groete!
Attachments
-
Roete.jpg359.8 KB
-
Tussen Goggadou & Vensterkrans.jpg161.9 KB
-
Baviaanskrans - Ockertskraal area.jpg140.9 KB
-
Driffies naby Ockertskraal.jpg152.8 KB
-
Ockertskraal area.jpg124.9 KB
-
Omdraaityd.jpg188 KB
-
Grootrivier.jpg138.4 KB
-
Ockertskraal na Mond-van-Pietsrivier area.jpg133.5 KB
-
T-aansluiting.jpg141.1 KB
-
Van Wyksdorp - Ladismith pad.jpg151 KB