Reg hier gaan ons. Dit is Sondag 2 Augustus 2015 en ons vertrek om ongeveer 8:15 vanaf Klawer, dit is nou ek en my vrou en Ricardo Davids. By Truck-Inn, Trawal, sluit nog 'n biker by ons aan, genaamd Chris Smit.
Hoe gaan ek nou vêrder aan, moet ek elkekeer bylas as ek die fotos op die regte plekke wil plaas?
Jammer as ek dom is, maar ons moet ook daar wees anders lyk ander nie slim nie ;D
Nadat ons wors en bunch gekoop het vir die braai teen pad, het ons die ou Kaapse pad gery, wat al teen die Clanwilliam dam loop.
Die pad is 'n Grondpad en is sommige plekke baie nou en jy moet maar goed ry en kyk vir voertuie wat van vooraf kom. Dit is 'n pad met mooi tonele en dit is hoekom jy moet kophou. Ongeveer 10 km vanaf Clanwilliam draai ons weg met 'n grondpad wat na
Algeria Bosbou -Stasie loop. Soos met alle trippies is ek na die tyd vir myself kwaad omdat ek nie meer fotos geneem het nie. Gelukkig hou almal wat saamry van die knoppie druk ;D
By Algeria bosbou draai ons regs en ry die pas tot by die brug naby N7. Hier het ons soos kinders in die water gespeel en soos bojane fotos geneem, want facebook moet ook ge-update word later. Glo my dit is nie baie later nie, want voor ons by huis aankom, is die helfte al gelaai. Kyk Adriaan het net facebook en dit is al. Die selfoon is net daar om selfies te neem en dit is elke 2 min. Tv opvangs is ook maar sleg, die heel 1ste episode van 7de laan wys nou eers daar op Doringbos. :imaposer:
Klaar gespeel en ry toe al teen die dam af in die rigting van Clanwilliam. Hier is so 'n spesiale plekkie vir ons bojane ingerig.
Heerlik wors gebraai en die natuur geniet. Laat jou sommer van als vergeet en jy voel sommer weer lus vir lewe. Hoe bevoorreg is ons?
Nog so 'n paar fotos en so kom ons aan die einde van die fotoplasings. Nadat ons klaar gebraai het, het ons die pad vêrder aangery tot by Clanwilliam en vandaar met N7 terug na Klawer. Dankie manne, dit was lekker en elke trippie sal ons vir lank bybly. :sip: