ChrisL en Karoo Rider kap 'n es by die Bash in Suidwes

[Karoo Rider]

Dag 8:  Kokerboomwoud kamp tot Fiddler's Creek (Vioolsdrif) [345km]

In Keetmanshoop koop ons lekker skaapchops en biltong en ry daarna in by die Naute dam, ongelukkig effens verwaarloos terwyl hier baie potensiaal is.

Inligtingsbord

Canon Roadhouse - besonder interessante plek met al sy antieke ware.  Ongelukkig is hul pryse nie so oudmodies nie - R36 vir twee Cream Soda's...

In die Hobas area sien ons die Visrivier Canyon in die verte, maar ons albei was al by die uitkykpunt en hou verby die keer.

Bene rek en ietsie drink

Nadat die Ai-Ais Park gestig is het hulle alle grensdrade afgebreek.  Slegs die hande-arbeid van dekades gelede is steeds sigbaar in hierdie klippe wat duidelik 'n hele ent moes aangedra gewees het, en dit loop vir kilometers aaneen.

Soos die wind waai draai hierdie ou bakkie se verkoelerwaaier nog steeds daar binne - moet besondere "bearings" wees.

D316 tussen Ai-Ais en B1-hoofpad

Terug aan die RSA kant van die rivier by Fiddler's Creek - en die birthday boy mis die oorkant al klaar.

Fiddler's Creek kroeg

Dagafsluiting

 

[Karoo Rider]

Dag 9:  Fiddler's Creek (Vioolsdrif) tot Cederberg Oasis [539km]


Vroegoggend langs die Oranjerivier af oppad na Vioolsdrif

Valleitjie naby Garies (Bowesdorp)

By Garies gaan kyk ons na die bekende Letterklip uit die Boereoorlog dae (1902) waar 'n klomp Engelse deur die Boere onkant betrap is in hierdie fort van hulle.

By Clanwilliam draai ons af langs die Clanwilliamdam/Algeria pad en oor die Uitkykpas verder, rigting Oasis.

By Oasis aangekom sien Chris dat hy 'n pillion gehad het - hierdie Vioolsdrif padda moes toe maar tussen die klomp vleipaddas en platannas gaan skuiling soek teen die hadida wat daar rondgeloop het in die kamp.

Cederberg Oasis kamp

Die legendariese Oasis ribs - ek wonder of daar al iemand was wat een kon opeet?

 

[Karoo Rider]

Dag 10:  Cederberg Oasis tot Ladismith/Stilbaai [341km]


Kort na opstaan begin dit drup-drup.  Die vorige aand het ons op die televisie gesien hoe loop die twee koue fronte so knap agtermekaar in.  Reënpakke word aangetrek en na 'n vinnige groet vat ons die laaste skof huis toe.

Katbakkies oor en Skittery pas weer af.  Stop om 'n foto te neem maar met die stywe reënbroek moes ek my misgus het met die sidestand - ghwarr!  Daar lê die vark, boonop nog half afdraend ook.  Beur hom maar weer orent en ry vies vir myself verder af waar Chris my al inwag langs die pad.

Die volgende oomblik trek die hemele behoorlik oop en op 'n seepnat R355 hou ons koers rigting Ceres, en draai later links weg op die teerpad rigting Touwsrivier/Laingsburg.  Die termometer wys 9ºC, en met die nat baadjie in die wind trek ek by die garage eers nog 'n top onder aan.  Later op die grondpad verby Anysberg is ek dankbaar om te sien dat die ergste reën seker nog oppad is, die pad is klam maar nog nie te glad nie.  By Van Zylsdamme kry ons weer die teerpad waarna ons net gaan oë wys by Veldbrand voordat ons verder dorp toe ry.

Koud en nat arriveer ons veilig in Ladismith.  'n Koppie koffie later durf Chris weer die reën aan terug Stilbaai toe voordat 'n SMS sy aankoms bevestig.

'n Besondere reis en ervaring waarop ek baie gesien en ook geleer het - veral daai sandstukke!  Namibië is inderdaad verslawend.

Chris, baie dankie dat ek die voorreg gehad het om te kon saamry.

 

[Veldbrand]

Daasy!
Julle gelukkige bliksems.
Bly julle's veilig trug, mooi voudies en lekker ritrapport buurman.

 

[subie]

Lekker RR en mooi pics :thumleft:
Lyk my die E 09  raak al meer gewild.

 

[Chorse]

Great ride report  :thumleft:

Thanks for sharing.

 

[Stofdonkie]

Magtig dis mooi. Lekker trip ouens!  :thumleft:

 

[Carrots]

Bleddie nice trippie en baie goeie peekchas ook. Dankie vir die deel!  :thumleft:

 

[Lem]

hall of fame stuff! karoorider en ChrisL  :deal:

hierdie is die Nam trip wat die standaarde stel van hoe dit gedoen behoort te word. great kampplekke ook wat ek net nog gaan MOET besoek  :thumleft:

 

[Operator]

Nice storie en BAIE nice pics  :thumleft:

 

[Hentie bm]

Baie nice  :thumleft:

 

[Frannarossi]

https://i1296.photobucket.com/albums/ag10/JanViljoen/IMG_1090_zps14853df7.jpg
Flippen nice RR.
Chris,ek sien jy doen ook nou die middel van die pad stop ding soos Werner.....

 

[Pietcoke]

Pragtige foto's en report Karoo Rider.

Dankie vir die deel daarvan. :thumleft:

 

[Bacchus2]

Lekker gelees en fotos gekyk  :thumleft:

 

[Cheetah]

Great trip en RR  :thumleft:

 

[DRAZIL]

awesome trip and great photos you shared with us,thanks :thumleft: :thumleft:

 

[woody1]

Dankie vir die saamry.

 

[Chrisl]

Lekker RR en mooi pics :thumleft:
Lyk my die E 09  raak al meer gewild.

Nie E 09s.
Albei was Kenda Big Blocks. Myne hap hap so aan die 5000 kms nou en gaan nog die naweek
Baviaans toe ook.
Ek het hom 2.5 bar die hele trip grond en teer gehou.

 

[Cheetah]

Het die 21 duim voorwiel lekker gery Chris?

 

[Joupa]

dankie vir die saamry,ek moet nou eers die stof gaan afspoel en koue een neem om trip af te sluit.