Die voordeel van Bosveld dorp

[Duster]

Vanmiddag het ek lus gehad om sommer so vinnig 'n stukkie grondpad te gaan ry.  As ek bedoel vinnig, dan bedoel ek dat na 2km van my huis af, is ek op die grondpad.  Dan kan ek grondpad ry tot in Thabazimbi en raak net een keer aan teer, wanneer ek die teerpad oorsteek van een grondpad na die volgende.  Maar vandag was sommer net 'n kort stukkie, en dis soos hemel op aarde.  Die fotos gaan maar die praatwerk doen.

 

[Spore]

Nice! :thumleft:

 

[TVB]

Ok dit was vinnig  :laughing4: :thumleft:

 

[Duster]

Nog fotos.  By kruispaaie dink ek altyd:  "Where do you go to, my lovely, when you're alone on you're bike....?"

 

[Duster]

Geniet, ek het!

 

[Duster]

More.....!  Daars wraggies nog water in die Sterkrivier!!

 

[Duster]

Na omtrent 30km se grond, is ek terug op die teerpad.  Wat nice is van my dorpie, is al die vakansie oorde om ons, en natuurlik al die kuier plekke.  Ek het net 'n paar plekke waar ek verby is, afgeneem.  Tot by Die Oog, is ek by Henties Lapa, Lekker-rus oord, Libertas, Lalele Krokodilplaas, Bothania Hills, Kammaland, Rhemardo en Die Oog verby.

 

[HB 9]

:thumleft:  :thumleft: Jou gelukkige hond...  :laughing4:

 

[Duster]

Hi HB9, ja, behalwe vir die lekker grondpaaie om ons ook, is die vakansie oorde vir ons niks nie.  Ons werk as die ander vakansie hou, jy weet, soos iemand wat al jare by die see bly.  Hulle kom Transvaal toe vir vakansie!!!
Die volgende fotos is van Sediba, 'n eens gewilde wildsplaas/kuierplek wat in omstredenheid afgebrand het, en nou verlate staan en wag vir ons weet nie wat nie.

 

[Duster]

Ek wou 'n koue een vat by Sediba, maar niemand wou my bedien nie.  Nog plekkies.

 

[Duster]

Die meeste ouens ken seker die Olifant, net so 10km uit Naboom uit op die bronne pad.  Daar is nou 'n uitstekende eetplek/kuierplek ook, en 'n karavaanpark.  Dis 'n bekende landmerk vir ons dorpie.

Naboomspruit het sy naam te danke aan die Naboom, die plant op die fotos.  Wetenskaplike naam "euphorbia", en die nuwe naam "Mookgophong", die Sotho vir "euphorbia".  As julle wil kom kuier, onthou om by die Mookgophong afrit van die N1 af te draai, daar is nie meer Naboomspruit borde nie.

Die laaste stop net voor ek die dorp inry, is die SPIF padstal, seker die beste padstal in die Limpopo.  Dis 'n uitvloeisel van Spif Hoenders, die hoender slagpale waar ek werk.  Kom loer gerus in as jy bronne toe kom, en as julle wil hallo sê, vra net vir my, dan kom groet ek vinnig.  Onthou om te vra vir Philip, want hulle sal nie weet wie Duster is nie.

 

[Swart Gevaar]

Hi Duster

Baie nice foto's. Jy ken sekerlik dan vir Lodie of hoe? Die baie wat jy gery het, is dit deur die Waterberge of hoe?

 

[Duster]

Ek wil eintlik eendag 'n rr doen van Naboom, met al sy besienswaardighede en wat te doen is, en waar om te ry ens.  Ek en Stoffies is waarlik bevoorreg om hier te bly en die natuur ens om ons te geniet.  Natuurlik het ek gaan ry toe Stoffies bietjie gaan dut het, en toe ek by die huis stop, wou sy weet waar ek was.  Noodeloos om te sê, toe ek sê ek sal 'n foto van haar op die forum plaas, toe is alles vergewe.  Haha.  Net 'n grappie, Stoffies!! Eina....eina...!

Die hele topic was in net oor die 50km.  En met die fotos is al manier waarop ek dit met julle kan deel.

Sterkte vir die week, en ek is jaloers op almal wat nie nou werk nie, maar op hul bikes iewers rondry.  Geniet dit!!

 

[Duster]

Swart Gevaar, ja, ek ken Lodie baie goed.  Hy het verlede Oktober, toe ek en Stoffies Afrika binne gevaar het, die eerste 80km of so saam met ons gery om ons op die pad te hou.  Hy het ook baie ervaring en het wonderlike ervarings met ons gedeel voor en na ons trippie.  Hy is mos nou weer in Rusland met die KLR.  Volg hom gerus op sy blog, hy het 'n ongelooflike ervaring.

 

[Swart Gevaar]

Swart Gevaar, ja, ek ken Lodie baie goed.  Hy het verlede Oktober, toe ek en Stoffies Afrika binne gevaar het, die eerste 80km of so saam met ons gery om ons op die pad te hou.  Hy het ook baie ervaring en het wonderlike ervarings met ons gedeel voor en na ons trippie.  Hy is mos nou weer in Rusland met die KLR.  Volg hom gerus op sy blog, hy het 'n ongelooflike ervaring.

Dis reg ja, ekken home self. Hy was laas jaar saam met ons Bosveld Fees toe op Ellisras.

 

[DirtRebell]

Nice RR!

'n AT het maar net die manier om 'n mooi pic te maak.

 

[dual]

Lekkerrus is ook mos in daai omgewing
Daai Olifant staan al baie jare daar, seker 30 jaar plus

:thumleft:  :ricky:

 

[Carrots]

Lekker man...dankie vir die deel. Was die naweek op Ellisras (met die kar ongelukkig) en het telkemale verby daai awesome grond paaie gery en gehoor hoe roep hulle my!

 

[Misty]

Lekker een Duster, nice paaie!!

 

[Duster]

Lekkerrus is ook mos in daai omgewing
Daai Olifant staan al baie jare daar, seker 30 jaar plus

:thumleft:   :ricky:

Dual, ja Lekkerrus is die eerste oord as ek van die grondpad af op die teer kom.

Lekker man...dankie vir die deel. Was die naweek op Ellisras (met die kar ongelukkig) en het telkemale verby daai awesome grond paaie gery en gehoor hoe roep hulle my!

Ag nee, Carrots, hoe kan jy net verbyry?  Hierdie paaie is gelukkig heeldag oop en vra nie toegang nie.  Kom ry sommer een naweek.

Lekker een Duster, nice paaie!!

Hi Misty, ja dis die lekkerste paaie.  Bietjie sanderig op plekke, maar hou jou op jou tone.  Groete