Te gou breek die laaste dag aan, dit was baie mistig toe ons opstaan. Ons pak die fietse, ons plan was om oor Elandsbaai en Lanbertsbaai na Clanwilliam te ry voor ons die N7 vat noorde toe, maar met die mis wat so dik is besluit ek om maar weer oor Piketberg te ry sodat ons uit die mis kan kom. Ons plan is om tot in Springbok te ry en daar te slaap, dan deur tot in Keetmanshoop voor ons die laaste 500km huis toe aanpak. Danie hulle besluit omdat dit so warm is deur die karoo hulle ook maar liewer met die N1 sal opry sover as wat hulle kan kom.
Ons ry baie lekker en is nie meer op my senuwees oor die agterband nie, ons is vroeg op Klawer, eet daar ontbyt en vat toe die kners vlakte. Ons kry twee GP BMW's net voor Springbok, stop in Springbok vir iets koud en petrol. DIt is nog so vroeg en verwoedelik warm. dat ons besluit kom ons maar vir die grens. Daar aan gekom is dit 48 grade in die skaduwee,( weet nie hoe akkuraat die fiets se temperatuur meter is nie) minstens het die SA grenspos lug verkoeling, die Namibiese kant is hulle besig met 'n nuwe grenspos en die ou gebou het nie eers 'n waaier in nie. Dit voel of mens se bloed in jou kop kook so warm is dit daar binne. Ons stop by die Wimpy vir iets koud en bel ook sommer om te hoor of ons akomodasie kan kry in Grunau. By die garage antwoord niemand nie. Die Grunau gastehuis is vol en ek besluit dan moet die Tenere maar sy voete optel dat ons in Keetmanshoop kan kom. Ek ry die eerste stuk van die grens redelik vining, maar sien toe die fiets hardloop self baie warm so op 105 grade die hele tyd, ek verminder toe spoed, maar die temperatuur bly hoog omdat dit so verwoedelik warm is buite. Later ry ons net 120 om die temperatuur darem, op 100 grade te hou. Op Grunau kry ek 'n skok, die garage en winkel is toe, kry darem petrol by die boerepomp waar ons in die bloedige son moet staan. Vroulief stap na die bungelows langs die garage en gelukkig het hulle een oop wat ons dadelik vat. Ons was net te moeg en warm om verder te kon ry. Rus lekker voor die lug verkoeler tot ons beter voel. Omdat die winkel toe is kan ons nie eers iets braai nie, al wat ons by ons het is drie perskes, 'n bottel wyn, stukkie vrugtekoek wat die ou tannie in Laaiplek vir ons gegee het en 'n pak chips. Dit is toe ons aandete vir die eerste aand terug in Nam.
Met die dat ons die bottel wyn drink en baie min geeet het slaap ons baie lekker. Die volgende oggend is ons net na 5 uur op die pad, dit is lekker koel, gooi petrol in Keetmans en ry om Mariental te bereik voor dit te warm is. Daar eet ons by die Wimpy ( nou al redelik
gatvol vir Wimpy kos) en doen die laaste 280km huis toe. Kwart oor twaalf stop ons veilig by die huis. Danie hulle laat weet hulle het tot in Colesberg gery en is nou in Bloemfontein.
Later die middag laat weet hulle, hulle is ook veilig tuis. Deur die suide sien ons dit is mooi groen en hoe nader ons aan Windhoek kom hoe groener is dit, Oral het dit lekker gereen na laas jaar se verskriklike droogte. Kan nie wag om op die plaas te kom nie.
Dit was weer 'n baie lekker toer deur seker van die mooiste dorpies in Suid Afrika. Dit was baie lekker om dit saam met geliefde vroutjie te kon doen wat altyd positief is en nooit kla nie. Goeie vriende is skaars en dit was lekker om saam met Danie en Marieta, Hester en hulle kinders wat gedeeltes saam met ons gery het dit te kon deel. Johan en Laurinda wat ook die eerste paar dae saam met ons was, ons het dit baie geniet.
Hester het alles so goed hanteer vir iemand wat eers onlangs leer fiets ry het en dit op haar ouderdom
eepwall:
ot:
Toemaar ek was die oudste en die res van ons was almal 50+ :imaposer:
Salome het gese Hester en Marieta het so lekker gery met hulle 650's sy is sommer lus en doen haar lisensie ook sodat sy ook haar eie fiets kan ry
Dan natuurik my getroue Tenere wat nie 'n beat gemis het op die hele pad nie, wat 'n bike!!
Laastens weer alle eer aan ons Hemelse Vader wat ons bekerm en die gesondheid en geleenthede gee om toere soos die te kan doen en die werke van Sy hande te kan ervaar.
PS: het ek genoem dit was WARM!!
