Sprinbokvlakte op 'n Saterdag

[Duster]

Yatar het vir ons 'n Lesotho trip gereël vir die afgelope langnaweek, maar het ongelukkig agv familie siekte, onttrek.  Toe het ek en Dred besluit om die vroutjies te betrek en sommer hier by ons in die Limpopo te kuier en dan Saterdag sommer 'n draai te gaan ry.

Johan (Dred), en Karien het Vrydag van Potch af gery en die middag hier by ons aangekom. Die aand het ons 'n lekker hoenderpot aanmekaar geslaan en 'n heerlike aand saam gekuier.

Ek het lank getop oor waarheen ons moet ry die Saterdag, maar uiteindelik op die Springbokvlakte besluit.  Ons het dan ook die oggend so 9uur in die pad geval en via Crecy na Tuinplaas gery.  Ons wou nog fotos by die kerk gaan neem het, maar ons het 'n afspraak gehad in Settlers en het so net na 10uur in Settlers gestop.

 

[T Rex]

:thumleft:

 

[wooly bugger]

:thumleft: :thumleft:

 

[Duster]

Ek sal vanaand die res pos, agv loadshedding/kabel diefstal/onvermoë om krag te voorsien, is ons krag af voor ek enige iets verder kon post.
Lekker dag vir almal.

 

[Duster]

Gelukkig is die krag nou aan en hier kom die res.

Ek het op 'n kaart wat ek het gesien daar is 'n Trekker Museum in Settlers en het deur Ewald Schmidt van Nylstroom, ook 'n wd, die nommer van Gerrit Fourie, 'n afgetrede boer van die omgewing, gekry.  Vrydag aand eers met hom kontak gemaak en hy was amper so opgewonde soos ons om die museum vir ons oop te maak en als vir ons te wys.

Wat 'n nice plek om te sien.  Gerrit het ons omtrent trakteer deur ons van elke trekker te vertel en te verduidelik, watter implimente daar staan en hoe dit gewerk het.  Op een foto is die kontak besonderhede as julle ooit eendag die kant toe kom, bel gerus en maak 'n afspraak en kom beleef die verlede.

Al die masjiene loop en is meganies in 'n goeie toestand.  Ek plaas net 'n paar fotos, maar het tussen my en Karien seker honderd fotos van alles daar geneem.

 

[Duster]

Nog fotos.

 

[Duster]

Ons het maklik 'n uur en half daar spandeer, en het nadat ons weer opgesaal het, pad gevat na Nylstroom (Modimolle) se rigting.  Net oor die snelweg aan die regterkant is Castle de Wildt, 'n wildsveiling plaas/gebou/maatskappy?  Ons het net buite gestop sodat Johan hulle kan sien hoe dit lyk.  Tipies soos 'n kasteel, baie mooi binne.  Ons was so 'n ruk terug daar tydens 'n veiling waar 'n goue wildebeest bul vir R3,4 milj verkoop was.

 

[Jakkals]

Baie mooi Duster, dankie dat jy dit deel met ons  :thumleft:

Die trekker museum is beslus op my lys van plekke om nog te besoek, ek sal heeldag in so plek rond loop.

 

[Duster]

Die plan was om van daar links te draai op die Eersbewoon pad wat by Klein Kariba uitkom, maar voor Klein Kariba, by Shangri-La Hotel te stop vir iets te drinke.  Toe ons daar kom, sien ek my seun het my gebel, en bel hom gou voor ons opstap hotel toe.  Hy het van Naboom Warmbad toe gery om bande op sy kar te sit, en was oppad terug, ook op die Eersbewoon pad en het sopas by Shangri-La verby gery.

Nodeloos om te sê, hulle join ons by die hotel en ons besluit sommer om middagete daar te eet.  Die hotel is baie mooi en ek sal definitief weer daar stop vir verversings.

 

[Duster]

Nog fotos van hotel.

 

[Duster]

Laaste hotel pics.

 

[Lem]

Ek sal eersdaags sommer n trippie hier in die Kaap na Villiersdorp se trekkermuseum doen, en dan ook ietsie vir julle skryf  :thumleft:

daai ou masjiene is regtig pragtig

 

[Duster]

Ons en Johan hulle het aangery na Klein Kariba en daar by die cruising regs gedraai Modimolle toe.  Die stukkie pad tot in Modimolle is vir my altyd so lekker om te ry.  Net voor die wit kerk op links is die Nylstroom Konsentrasiekamp begraafplaas.

Ons het daar gestop en vir 'n uur of so met ons eie gedagtes geworstel oor al die grafte wat daar is.  Baie, baie van die grafte is van 1-4jarige kinders.

 

[Duster]

Mens loop daar rond met jou eie gedagtes en wonder hoe dit moes gewees het daai tyd.  Ek dink nie ons het enige idee waardeur die vrouens en kinders gegaan het nie.  RIP.

 

[Duster]

Ek sal eersdaags sommer n trippie hier in die Kaap na Villiersdorp se trekkermuseum doen, en dan ook ietsie vir julle skryf  :thumleft:

daai ou masjiene is regtig pragtig

Lem, ek is nie baie tegnies nie en weet nie baie van trekkers af nie, maar was absoluut gefasineerd deur die ou masjiene.  Sien uit na jou rr later.

 

[Duster]

Nog pics.

 

[Duster]

Nog bietjie.

En dan met die laaste foto, moet daar mos altyd morsjorse wees, of tel dit ook onder die beskadiging van standbeelde..........

 

[Duster]

Ons laaste gedeelte van ons dag se trippie was terug Naboom toe.  So 15km buite Nylstroom draai die Grootfontein grondpad af na links, wat dan aan die westekant van Naboom by die vakansie oorde se pad uitkom.  Ons het daar afgedraai, die bande bietjie afgeblaas en 'n lekker klipperige, sinkplaat pad tot bo-op die plato gery voor die pad verbeter het.  Laaste stop was by die Olifant restaurant waar ons 'n koue bier gedrink het om die dag mee af te sluit........

 

[Duster]

Grootfontein pad fotos.

 

[Duster]

Nog grondpad fotos