Stars and Dust toer na Verneukpan, September 2020

[Strompie]

Meeste van julle het nou al seker gehoor van BakgatJaco se seun Zander se ongeluk op Verneukpan. Wel, ek was ook deel van daardie groep maar ek het my storie so bietjie teruggehou.

My storie begin Januarie 2020 toe ek in Montana hospitaal geëindig het met ’n gebarste blindederm. So in die praatjies met die oom langs my, sê hy dat sy internis ook motorfiets ry. Ek vra so bietjie uit oor die man en werk toe uit dat die dokter ’n Indian FTR ry.

Toe hy weer kom saalrondtes doen, sê ek “Ek hoor dok ry ’n FTR”. Net daar ontmoet ek seker een van die interessantste mense wat jy jouself kan indink. Dr Jacques Koning. Rowwe bliksem met ’n paar uit tande en tatoeëermerke. Maar terselfdertyd ’n diep mens met ’n ryk algemene kennis en ’n diep liefde vir Kenhardt en die Noord Kaapse mense.

Hy nooi my sommer daar en dan om in April saam met hom te kom na Verneukpan. Twee weke later is hy self betrokke in ’n yslike motorfietsongeluk. Hy was dood verklaar op die toneel, maar toe hulle hom by Montana hospitaal aanbring merk hulle tog tekens van lewe en resussiteer hom. Hy het nog ’n paar keer by die dood gaan draai en toe ek hom weer sien was hy ’n maer, “shadow of his former self”. En toe slaan COVID. Hy bied aan om al die COVID pasiënte te neem om die siekte te leer ken. Ons April trip is beslis af, maar nou word daar beplan vir September. Groter en beter. Dit sou bekend staan as die Star sand Dust tour. 

Ek ry self ’n BMW G 310 GS en ek besluit dat ek met hom sal ry. Ek wou seker iets bewys, maar toe Zontes hoor van die trip het hulle my hulle 310-T aangebied. Wie is ek nou om dit van die hand te wys? Ek het al met baie lof van hierdie fiets gepraat, maar nou sal ons sien of hy hierdie tipe toer en afstande sal kan bemeester.


Een van my gereelde avontuur vrinne, Willem, sê hy kom ook saam. Met ons vertrekdatum vas, val ek Willem Maandag 21 September in die pad. Verskeie groepe vertrek uit alle uithoeke van die land om eindelik in Kenhardt bymekaar te kom. Ek en Willem het gery tot op Kathu en na so paar oproepe ’n slaapplek gekry. Dis ’n vrek vervelige pad en ons het maar hier en daar gestop op plekke soos Biesiesvlei en Sannieshof en heerlik met die locals gesels.

 

[Strompie]

Die volgende oggend is ons deur tot in Kenhardt. Ons was van die eerstes daar en ek en Willem moes dadelik ’n biertjie klink op ’n suksesvolle en veilige rit. Die Zontes het egter êrens langs die pad sy hugger los geskud, maar dit is hoekom mens mense soos Willem moet saamry met spanners en Loctite.

Ons het die hele Kenhardt se verblyf bespreek so die dorp het gegons. Die tweede aand is ons onthaal deur een van die plaaslike boere soos net nie Noord-Kapenaars kan. Donderdag 24 September is ek en Willem weer vroeg uit die blokke en ons sit af Verneukpan toe. So ent met die grondpad het die hugger finaal afgebreek. ’n Paar cable-ties later het ek geen nommerplaat nie, maar wel flikkers. Nou moet ek bysê, ter verdediging, dat hierdie spesifieke fiets gebruik was in ’n Superbike Magazine artikel en die hugger het reeds seergekry daar, so ek sal nie kan oordeel hoe ’n onbeskadigde eenheid sou hou nie.

 

[Strompie]

Die pad na die pan het baie hekke en elke hek het 'n ander tipe sluitmeganisme so dat was nogal 'n storie. Op die pan het ek en Willem net doelloos rondgery terwyl ons gewag het vir die ander om te arriveer. Die eerste fiets wat daar aangekom het was nogal ’n Harley-Davidson. Ek was baie beïndruk. Die atmosfeer was heel vrolik soos almal tentjies opgeslaan het en probeer oordeel waar ons die verste van iemand se gesnork kon slaap. Dr Koning het ook vir ons ’n monument laat bou met ’n baie spesiale betekenis vir almal wat daar was. Min het ons geweet vir wie het ons eintlik die klipstapel laat bou. Laat die middag, net voor die son onder gegaan het, het Willem na my toe gekom. Hy was so wit soos ’n spook. Hy het Zander se ongeluk gesien. Skielik het die dokters oorgeslaan na die professionele mense wat hulle is om vir Zander te stabiliseer.

 

[Strompie]

So paar kiekies op die pan.

 

[Noneking]

Sub
Pragtige fotos!

 

[Strompie]

Die volgende oggend was die pan stil. Die merke wat Zander en sy fiets op die pan gelos het nog steeds sigbaar. Almal het hulle goedjies opgerol en in sarsies van die pan af gery. Ek is seker baie is gedink en gesê maar een ding is seker: Zander se ongeluk was so frats gebeurtenis dis amper ondenkbaar.

Die Vrydag oggend het my planne heeltemal verander. Ek en Willem sou die Saterdag saam terug  ry, maar ek het aangebied om die Zontes in die Kaap te gaan aflewer want die fiets moes die volgende week weer Gamkaskloof toe. So gebeur die toe dat ek saam met twee Kapenaars, een op ’n 800 GS en die ander op ’n 700 afgery het Kaap toe. Hier was ek ook op plekke wat ek nooit vantevore was nie en ek het myself belowe dat ek weer hierheen wil kom en hierdie wêreld deeglik kom deur reis.

Die Star sand Dust tour het heeltemal anders uitgedraai en tog het ons almal gegroei.

 

[petri oosthuizen]

Nou die lyk sommer net pleinweg befok, en 'n bucket list ding.

Daai Triumph is ook BAIE nyammies in daai kleur :drif: :drif: :drif:

 

[Strompie]

[youtube]https://www.youtube.com/watch?v=OpoYTfe8_CA[/youtube]

 

[Strompie]

Nog so paar.

 

[Ri]

Baie dankie vir die deel en die mooi foto's

 

[petri oosthuizen]

Sien uit na jou impressions met daai 310 Strompie :thumleft: :thumleft:

 

[GavinB]

I Love the photo of the Harley!!!

As Petri mentioned....cant wait for you Zontes impressions. (From what I have heard it is a surprising little package)

 

[Strompie]

Sien uit na jou impressions met daai 310 Strompie :thumleft: :thumleft:

Ek het behoorlik write-ups gedoen oor die fiets. Maar ek is nou in proses om te reël vir een met 'n 19" voorwiel en speekwiele. Hy het ook nou 'n TFT skerm in plaas van die LCD. Hierdie Zontes was Pretoria, Verneukpan, Kaapstad. Van daar is hy Gamkaskloof toe met 'n passasier. Toe na die Cape Adventure bike challenge. Daai bike is taai! Die plastiek hugger oor die agterwiel het ons net issues gegee, maar hulle het hom gefix en hy is Gamkaskloof toe so. Vir die Adventure bike challenge het hulle die tail-tidy gedoen en dit het net beter gewerk.

 

[Strompie]

I Love the photo of the Harley!!!

As Petri mentioned....cant wait for you Zontes impressions. (From what I have heard it is a surprising little package)

It is a remarkable little bike. I did a story in the latest copy of Moto Rider World about the small adventure bike market. If you adjust your pace a bit, you can go on lekker adventures with this bike. Zontes had complete faith in the bike, even when I told them about my intended destination.

 

[petri oosthuizen]

Moet se daai "mags" is vir my skreeulelik - sorry, my opinie

 

[Strompie]

Moet se daai "mags" is vir my skreeulelik - sorry, my opinie

Nuwe een het speekwiele.

 

[petri oosthuizen]

Wat is die "Zontes"......maar die Modelnaam of wat??

En die enjin etc etc - Indie??

 

[Crankshaft]

Wat is die "Zontes"......maar die Modelnaam of wat??

En die enjin etc etc - Indie??

Peri as ek reg is, is dit die fabrikaats naam soos Honda, Yamaha ens...

 

[Black_Hawk]

Baie nice RR en pragtige foto's  :thumleft:

Dit wys mens net jy het nie die beste of duurste fiets nodig om die avonture daar buite te geniet nie.

Baie dankie vir die deel

 

[chicco]

Nice report. Ek het n Zontes in Burgandry estate gesien n paar keer toe ek Des in die kaap was, het probeer wag vir die eienaar maar dink hy werk dalk daar, die bike was altyt for stof of modder, so word duidelik vir adv gebruik. Wat kos die bike? die speke lyk baie beter as die mags.