Sutherland....in die winter..op my bike...?

[Duster]

Na ons onsself uiteindelik van die berg kon wegskeur, was Kobus se Gat plek vir ontbyt.  Weereens nodige fotos van kos...... ot:  Regtig lekker.  En natuurlik kan 'n biker nie fotos neem sonder om iets van bikes in die foto te hê nie...beker en 'n helmet.... ;D

 

[Duster]

Net na Kobus se Gat draai ons regs op die Matjiesrivier pad wat eers teer is en dan grond word.  Dit is die mooiste omgewing en loop deur pragtige plase tot agter Calitzdorp dam en kom dan in Calitzdorp uit.  Van daar teer tot by die Seweweekspoort pad waar ons weer afdraai om uiteindelik in Laingsburg te stop.  Hier het ek nie baie fotos geneem nie maar dis waar ons moeilikheid begin het.

Richard het voor gery, ek volgende en Mossie agter saam met Francois wat ons op Calitzdorp ontmoet het wat ook met 'n 1150 GS ry.  Nog voor ons die poort ingaan sien ek daar is niemand agter my nie.  Stop, wag so 2 min, draai om en ry terug met besonderse spoed, want julle weet mos wat gaan alles deur jou gedagtes.  Langs die pad staan die 2 1150's, albei geel, en die manne draai om Mossie se fiets.  Dit lyk asof daar fout is met die ignition en 'n los draadjie word ontdek.  Alles word gedruk en getrek en daar start die fiets.  Ry aan en kry vir Richard wat ons afneem met die drone.  Weer gee die fiets probleem om te start en al die draadjies word losgemaak en weer vasgedraai en getape.  Weer start die fiets en ons stoot aan Laingsburg toe.

 

[Duster]

Gelukkig ry die fiets tot in Laingsburg waar 'n werktuigkundige ons help om al die los draadjies weer te soldeer en uiteindelik is ons reg om te ry, maar net buite Laingsburg sny die fiets weer uit.  Duidelik is die probleem nie by die draadjies nie.  Stoot, free, ry tot terug by die mechanic, maar hy het nie raad nie.  Mossie bel 'n BMW spesialis/vriend en verduidelik wat gebeur en hoe die probleem begin het.  Nee seg die man, jou Hol sensor het gegaan...  Ek soek by die exhaust, maar kry niks.  Nee sê ander, dit moet op die sitplek sit...is mos 'n hol sensor....Nee sê Mossie, dit sit voor in die enjin en meet iets wat draai en dis 'n Hall sensor....

Nodeloos om te sê, ons reël om die fiets by die werkswinkel te los, pak Mossie se bagasie op hoofsaaklik Richard se fiets en Mossie klim by my op as pillion.  Ouberg pas is nou slegs 'n gedagte en ons vat die teerpad na Matjiesfontein en draai daar af na Sutherland.  Teerpad en ek sleep om te probeer voor donker daar te wees, maar helaas, skemer vang ons net toe ons in Sutherland inry. 

 

[Duster]

Ek het voor ons gastehuis gestop en sien nie vir Richard nie.  Ons wag 'n rukkie en bel hom.  Hy het 4km buite die dorp gaan staan sonder brandstof, maar het gelukkig 'n bladder met 4,5 liter petrol wat hy eintlik vir my saamry, hy is nou by ons.  Intussen het ek ons bespreking by die eetplek gaan aanpas en toe Richard aankom is dit al nag donker.  Ek het voortydig vir ons bespreek by die planetarium maar ons het saam besluit ons gaan eet aandete en skip die planetarium wat in elk geval net 19:00 sessie het, niks later nie.  Dit was nie baie koud nie, maar die vuur binne die restaurant was welkom gewees.  Dit was weereens 'n lang dag, maar ons het heerlik geëet en toe gastehuis toe gegaan vir 'n goeie nagrus.

Nadat ons die sakke afgelaai het, ry ek en Richard so 4km uit die dorp uit en besigtig die sterre....dis mos hoekom ons hier is.

 

[petri oosthuizen]

Nice RR, julle het VER gery!!! :thumleft:

Julle tollies is seker stompaf gevries......daai Sutherland laat Bethlehem soos die Tropics voel >

 

[Duster]

Daai aand sê Mossie hy het met sy dogter gereël om hom te kom haal uit die Kaap uit en as ons hom net tot op Laingsburg kan kry, dan is hy ok.  Ons besluit toe om dan so te maak en dan van Laingsburg hoofpad te ry tot op Britstown en dan daar af te draai De Aar toe.

Volgende oggend lê ons nog in die bed toe Mossie voorstel dat ons iemand vra wat dalk Matjiesfontein toe gaan of hy kan saamry sodat ek en Richard kan voortgaan met ons roete Loxton toe.  Ontbyt is 8 uur by The Whitehouse en fotos word geneem van die ys op alles, want dis mos Sutherland in die winter!  Temperatuur moes ver onder vries gedaal het oornag, want tot die fonteintjie is geys en daar is geen water in die krane nie, alles opgeys.

In die ontbytsaal word gevra en die tannie sê daar was 'n Mini (kar) saamtrek in Sutherland en daar is van hulle wat terug gaan Kaap se kant toe.  Sy sal hoor of hulle bereid is om te help, en whalla daar kry Mossie 'n lift!  Nogal in 'n geel Mini.....

 

[Duster]

Nice RR, julle het VER gery!!! :thumleft:

Julle tollies is seker stompaf gevries......daai Sutherland laat Bethlehem soos die Tropics voel >

:imaposer:laat my lekker lag....Darem nie....Dit was toe nie so koud gewees nie, ons het gelukkig of ongelukkig, die week gekies wat dit bietjie warmer was. :ricky:

 

[Duster]

Ek het vir Mossie met 'n seer hart gegroet, want ons is al bitter lank pelle, maar terwyl ons wens was om in die middel van die winter met ons bikes op Sutherland te wees, was ons ten minste in die middel van die winter op 'n bike in Sutherland.....en dit was toe nie so koud nie, want ons was daar op 'n warmer week van die winter.

Ek en Richard het toe die pad gevat Fraserburg toe en na 200km se grondpad op Loxton gestop vir koffie en koek.  Daai grondpad is baie mooi, maar jou fokus moet skerp bly vir die baie middelmannetjies met los grond wat jou so maklik kan omver gooi.  Oral het ons plasse water gekry van reën nie te lank terug nie en weereens het ons die drone opgesit om ons te "follow". 

 

[Duster]

Van Loxton was dit teerpad tot op De Aar waar ons op die miltêre basis oornag het.  Ek het 6 jaar daar gewoon terwyl ek instrukteur by die Ammuniseskool was en het steeds verbintenis met die weermag, al is ek 21 jaar uit die mag uit.  Ons het besluit om vanaand te braai, en aangesien ons in die Karoo skaap wêreld is, was skaap tjops en skaap wors net die regte ding.  Ons het by die lapa vuur opgesteek en net ons 2 heerlik gekuier en weereens die dag se drone videos gekyk.  Ons het goed geslaap en die volgende oggend vroeg op want daar het weereens 'n lang pad voorgelê huistoe.

Foto 88a is die huis waarin ek gebly het.  Daar was gras rondom die huis en groot bome op die erf, nou is dit net rooi grond en geen bome nie....so hartseer!

 

[Duster]

Sondag oggend, 20 Junie 2021, 06:45 het heeltemal te vinnig gekom, maar so gaan die lewe mos aan...wag nie vir jou nie...more moet ons weer werk, geld maak en spaar vir ons volgende trip.... :laughing4:

Ons fietse het die koudste van ons hele trip gewys, 0 grade vir die eerste 120km tot by Van der Kloof dam.  Daar het ons gestop vir koffie en die dam besigtig.  Toe ons daar gery het, was die temperatuur 6 grade en van daar net warmer geword.  Op Bloemfontein het ons weer brandstof gegooi en toe maar die eentonige N1 noord gevat.

 

[Duster]

Ons het op Kroonstad weer volgemaak en koffie gevat en toe deurgedruk tot by Menlyn waar ons gegroet het en elkeen sy eie paadjie huistoe geneem het.  Te  gou ,te min, nog tyd nodig, nog plekke om te sien, nog bike om te ry....flits deur my gedagtes terwyl ek vir oulaas volmaak en die laaste 160km huistoe moet aandurf, alleen.... :'(

17:15 stop ek by die huis, moeg, warm, effe teleurgesteld, want daar was nie sneeu nie, maar baie tevrede, en baie bly om mamma te sien....Dit was 5 lang dae, 3325km afgelê, omtrent 550km daarvan grondpad, paaie wat beplan was en nie gery was nie (moet weer gaan om Ouberg of Moordenaarskaroo te gaan ry), vrienskappe wat weer opgevlam en versterk was, grappe vertel, liedjies gesing, gelag en ernstig gewees, nuwe plekke gesien en paaie gery....Dankbaar....

Mossie het die Maandag sy fiets op Laingsburg gaan haal en ongelukkig het sy pannier se deksel losgekom en afgewaai oppad huistoe, somewhere...Hy moet nog die sensor soek en vervang en ek hoop dis al wat fout is.

En so lyk ons as ons veilig by die huis kom....

 

[Duster]

En so groet ons, die 3 wyse manne met die grys baarde, soos my seun ons noem.  Van die soort gaan daar nog hopelik baie kom....

Ek sal probeer om die drone videos op te sit as Richard klaar is met dit...dis awesome.

Dankie vir die saam kuier en lees, dis lekker om dit met julle te deel.

Groete....maak stof...

 

[Zeff Cowboy]

Lyk na n lekker trip. Dankie vir die share.

 

[Bliknêrs]

:thumleft: Dankie vir die moeite met die skryf en deel.
Lekker gelees, wens daar was nog!

 

[Chrisl]

Lekker so moet wyse grys baard manne mos oud word!!! :thumleft: :thumleft:

 

[Ri]

Die foto's is besonders en pragtig. Lekker gelees en in my gedagtes saamgery - baie dankie vir die neem en die deel. :thumleft:

 

[Duster]

Plesier julke, altyd lekker om 'n besonderse roete te deel met ander. Wens net ek kon meer sulke trippe doen. Altyd lus vir nog.....

 

[Bliknêrs]

Jy het my nou ge-inspireer om my vinger uit te trek en te begin met my eie RR’s

 

[Wolzac]

:thumleft: Thank you for sharing.

 

[JACOVV]

Baie dankie vir die RR.  Lekker om saam met jarelange vriende sulke trips aan te pak.

Sien uit na nog stories van die 3 grysbaard manne  :biggrin:

Vir wie werk Mossie op Cradock?