Tawwejan
Pack Dog
Ek en my pel, Willie was 4 jaar terug baie arm, maar ons wou graag op 'n groot biketrip gaan. Al wat ons kon bekostig was die 1996 DR200 wat Willie vir R14000 gekoop het, en my BAJAJ Avenger 180 DSTi ( Digital Spark Timing ignition, nogal ), wat ek vir R9000 aangeskaf het.
{Bajaj besit die grootste aandeel in KTM..... maar dis al ooreenkoms wat daardie cruiser-scooter met 'n off road bike het.}
Ons pak toe die trip aan Vrydag na werk.Tente, check. Slaapsak, check. Rooster en glas, check. Ok, gooi.
Dit is vanaf Somerset wes, Hopefield, en dan stop en Vredenburg vir drank, vleis, ys en hout. Dit het maar stadig gegaan. Ons het so 100km/h "gecruise", maar vir ons bikes was dit redelik op die limit.... 110 was oordoen.
By Tietiesbaai se hek aangekom en daar wil hulle ons nie inlaat nie. Meneer dis mos 'n reservaat.... Huh ? Wat ? "Nee man, dis 'n kampplek! Nee meneer, ons laat nie motorfietse hier toe nie." Nee, watse kak is dit die, ons sal net tot hier voor ry en tent opslaan, ons gaan mos nie in die duine ry nie."
"Nou goed dan, Meneer" - en ons is in. Reguit kampplek toe, dop uit, tentjies op, vuur aan ! Lekker kamp ons toe, en kuier lekker met die bure, want hulle het koffie, en so aan... geriewe soos... borde... en 'n braaitang en ander onnodige luukshede soos toiletpapier en so aan.
Volgende oggend het ons ietsie by Paternoster gaan eet. Op die Caledonia-pad tussen Veldrif en Hopefield is die afdraai na my pa se plaas. Die pad loop dan deur die Sandveld tot in Moorreesburg / Koringberg. Die pad is 'n slegte grondpad vol dik sand. Dit was nogal 'n challenge om met die oorlaaide cruiser, met 'n 17 duim voorwiel, met Indiese sleeks op, in die sand te ry. Vir die DR was dit makliker, maar Willie is nie sand gewoond nie.
Middag het ons by die Bergrivier gestop, so 'n km voor die plaas om bietjie af te koel in die rivier.
Daarna het ons aangesit vir 'n lekker Sondag middagete. Skaapboud, rys, aartappels en patat. Dit smaak mos net beter op die plaas...
Na die ete het ons weer die moordende langpad aangedurf teen die limit ( 110km/h ). By die huis, nadat ons die ergste "needles & pins" uit ons hande gevryf het, het ons belowe om vir ons groter bikes te koop.
Willie het intussen 50jaar oud geword, besluit dis tyd om te trou; sy DR verkoop, en 'n SWB Pajero gekry. Ek is kort daarna afgedank, het 'n XT660R van my pensioengeld gekoop ( die res op eiendom uitgemors ), en daarna 'n Suzuki DR650, en 'n Honda XR650 Dominator en is nou weer op 'n Yamaha XT660R.
As ek so na die foto's kyk, dan besef ek... jy het nie baie geld, of 'n groot bike nodig om 'n trip te geniet nie, net baie tyd, goeie vriende, en 'n lekker pad. Ek kan nou amper verstaan hoe iemand 'n Afrika trip kan aanpak met iets soos 'n Royal Enfield. Ek sal nog eendag oud genoeg wees om so iets te kan doen, en wardeer.
Maar vir NOU probeer ek nog "rear wheel steering" en "power slides" op die XT. :ricky:
{Bajaj besit die grootste aandeel in KTM..... maar dis al ooreenkoms wat daardie cruiser-scooter met 'n off road bike het.}
Ons pak toe die trip aan Vrydag na werk.Tente, check. Slaapsak, check. Rooster en glas, check. Ok, gooi.
Dit is vanaf Somerset wes, Hopefield, en dan stop en Vredenburg vir drank, vleis, ys en hout. Dit het maar stadig gegaan. Ons het so 100km/h "gecruise", maar vir ons bikes was dit redelik op die limit.... 110 was oordoen.
By Tietiesbaai se hek aangekom en daar wil hulle ons nie inlaat nie. Meneer dis mos 'n reservaat.... Huh ? Wat ? "Nee man, dis 'n kampplek! Nee meneer, ons laat nie motorfietse hier toe nie." Nee, watse kak is dit die, ons sal net tot hier voor ry en tent opslaan, ons gaan mos nie in die duine ry nie."
"Nou goed dan, Meneer" - en ons is in. Reguit kampplek toe, dop uit, tentjies op, vuur aan ! Lekker kamp ons toe, en kuier lekker met die bure, want hulle het koffie, en so aan... geriewe soos... borde... en 'n braaitang en ander onnodige luukshede soos toiletpapier en so aan.
Volgende oggend het ons ietsie by Paternoster gaan eet. Op die Caledonia-pad tussen Veldrif en Hopefield is die afdraai na my pa se plaas. Die pad loop dan deur die Sandveld tot in Moorreesburg / Koringberg. Die pad is 'n slegte grondpad vol dik sand. Dit was nogal 'n challenge om met die oorlaaide cruiser, met 'n 17 duim voorwiel, met Indiese sleeks op, in die sand te ry. Vir die DR was dit makliker, maar Willie is nie sand gewoond nie.
Middag het ons by die Bergrivier gestop, so 'n km voor die plaas om bietjie af te koel in die rivier.
Daarna het ons aangesit vir 'n lekker Sondag middagete. Skaapboud, rys, aartappels en patat. Dit smaak mos net beter op die plaas...
Na die ete het ons weer die moordende langpad aangedurf teen die limit ( 110km/h ). By die huis, nadat ons die ergste "needles & pins" uit ons hande gevryf het, het ons belowe om vir ons groter bikes te koop.
Willie het intussen 50jaar oud geword, besluit dis tyd om te trou; sy DR verkoop, en 'n SWB Pajero gekry. Ek is kort daarna afgedank, het 'n XT660R van my pensioengeld gekoop ( die res op eiendom uitgemors ), en daarna 'n Suzuki DR650, en 'n Honda XR650 Dominator en is nou weer op 'n Yamaha XT660R.
As ek so na die foto's kyk, dan besef ek... jy het nie baie geld, of 'n groot bike nodig om 'n trip te geniet nie, net baie tyd, goeie vriende, en 'n lekker pad. Ek kan nou amper verstaan hoe iemand 'n Afrika trip kan aanpak met iets soos 'n Royal Enfield. Ek sal nog eendag oud genoeg wees om so iets te kan doen, en wardeer.
Maar vir NOU probeer ek nog "rear wheel steering" en "power slides" op die XT. :ricky:
