Karoo Rider
Race Dog
- Joined
- Sep 1, 2012
- Messages
- 1,898
- Reaction score
- 1,035
- Location
- Ladismith WC
- Bike
- Honda CRF-1100L Africa Twin
Vrydagaand nooi Veldbrand dat ons die volgende dag darem weer 'n ietsie gaan ry 'n slag, en so skop verrigtinge die Saterdagoggend om 08:30 af te Koedoeskloof. Ek't vlugtig 'n paar roete-opsies op Google Maps bymekaargetrek en daar word besluit om deur die Anysberg Reservaat weswaarts te ry en dan met die Witteberge pad weer terug huiswaarts.
Met 'n lid wat homself twee dae tevore breekribbes in Anysberg se sand geval het is ek maar eers skrikkerig, maar die eerste deel verloop mooi met die twee GSA's se suspensie wat omtrent moet bontstaan oor die klippe en deur die driffies. Die koeligheid in die lug is welkom onder die baadjies, jy vorder selde bo 3de rat en op 'n warm dag sal klamblaaie jou voorland wees hier.
My GPS het vermoedelik 'n los konneksie by die Hella plug en kom net sporadies aan en af, so by die kantoor en kamparea aangekom vra ons eers aanwysings by die vriendelike veldwagters. Skaars daar weg toe kom ons die sand gedeelte teë met motorfiets spore wat swaai-swaai daar deurloop. Raait... staan op, effens terug, en hou hom hoog in 2de rat. Met so een wilde kopskud dog ek amper dis nou so, maar met 'n verdere oordraai trek die fiets reguit en ek's anderkant uit. Veldbrand volg kort agterna en ry skynbaar moeitevry daardeur met die stewige 1150 GSA.
'n Ent verder moet ek rem vir 'n gemsbok wat die pad kruis, en merk terselfdertyd op dat Veldbrand gestop het. 'n Smiley in sy rim laat die wiel byna onmiddelik afblaas wanneer hy 'n klip tref, maar na 'n gasbom en kompressor pomp hy hom ekstra hard sodat hy seël, en ons is weer voort. Die res van die pad loop deur ongelooflike mooi kliprandjies en droë gruisdriffies, later selfs verby ou stasiegeboutjies van die destydse Makadas. 'n Vurk in die pad kan jou na of Montagu of Touwsrivier neem - ons kies laasgenoemde en die pad begin neig noordwaarts soos plase en huise begin meer word. Kort voor ons by die hek van die reservaat uitgaan loop 'n trop wilde volstruise en springbokke sommer so deurmekaar, en met die fietse se gedreun raak die lot aan die hardloop - reg tussen my en Veldbrand deur, soveel so dat hy byna vir ons iets vir die pot saamgebring het!
By die "grootpad" aangekom vorder ons nou vinniger en bereik 'n wyle later vir Touwsrivier, waar ek eers 'n verkeerde afdraai vat tussen ou stasiegeboue deur. Later wel op die besige N1 waar ons na sowat 30km weer na regs afdraai by die Witteberge bord. Hier tref ons seker een van die mees onderskatte grondpaaie aan, dis 'n ongelooflike mooi vallei en die padoppervlak is van daai "6de rat en so hard as wat daai ding kan loop" tipe paaie. Bulte, driffies en draaie en jy wens dat die pad nooit sal ophou nie.
Aan die oostekant van die vallei lig 'n steil gekerfde pad jou uit tot bo-op 'n plato, maar sak kort daarna weer af tot waar jy by die teerpad weer aansluit. Hier draai ons links en 'n paar kilo's verder ontsmet ons ons stofaangepakte kele in die Laingsburg Hotel. Na lekker gesels en innerlikes versterk is dit huiswaarts keer, en die grondpad vat ons later weer verby die Anysberg indraai van vroeër die dag. Nou's dit terug op ons spoor, deur die Klein Swartberg en Outol passies totdat Van Zylsdamme se groen lusernlande op linkerhand ons terug verwelkom na 'n perfekte dag.
Hierdie is regtig 'n "must do" roete, so ruim volgende keer 'n ekstra dag in wanneer jy by Koedoeskloof oorbly, en gaan ry dit. :thumleft:
Kaart en paar foto's:
(Sien foto name vir beskrywing)
Met 'n lid wat homself twee dae tevore breekribbes in Anysberg se sand geval het is ek maar eers skrikkerig, maar die eerste deel verloop mooi met die twee GSA's se suspensie wat omtrent moet bontstaan oor die klippe en deur die driffies. Die koeligheid in die lug is welkom onder die baadjies, jy vorder selde bo 3de rat en op 'n warm dag sal klamblaaie jou voorland wees hier.
My GPS het vermoedelik 'n los konneksie by die Hella plug en kom net sporadies aan en af, so by die kantoor en kamparea aangekom vra ons eers aanwysings by die vriendelike veldwagters. Skaars daar weg toe kom ons die sand gedeelte teë met motorfiets spore wat swaai-swaai daar deurloop. Raait... staan op, effens terug, en hou hom hoog in 2de rat. Met so een wilde kopskud dog ek amper dis nou so, maar met 'n verdere oordraai trek die fiets reguit en ek's anderkant uit. Veldbrand volg kort agterna en ry skynbaar moeitevry daardeur met die stewige 1150 GSA.
'n Ent verder moet ek rem vir 'n gemsbok wat die pad kruis, en merk terselfdertyd op dat Veldbrand gestop het. 'n Smiley in sy rim laat die wiel byna onmiddelik afblaas wanneer hy 'n klip tref, maar na 'n gasbom en kompressor pomp hy hom ekstra hard sodat hy seël, en ons is weer voort. Die res van die pad loop deur ongelooflike mooi kliprandjies en droë gruisdriffies, later selfs verby ou stasiegeboutjies van die destydse Makadas. 'n Vurk in die pad kan jou na of Montagu of Touwsrivier neem - ons kies laasgenoemde en die pad begin neig noordwaarts soos plase en huise begin meer word. Kort voor ons by die hek van die reservaat uitgaan loop 'n trop wilde volstruise en springbokke sommer so deurmekaar, en met die fietse se gedreun raak die lot aan die hardloop - reg tussen my en Veldbrand deur, soveel so dat hy byna vir ons iets vir die pot saamgebring het!
By die "grootpad" aangekom vorder ons nou vinniger en bereik 'n wyle later vir Touwsrivier, waar ek eers 'n verkeerde afdraai vat tussen ou stasiegeboue deur. Later wel op die besige N1 waar ons na sowat 30km weer na regs afdraai by die Witteberge bord. Hier tref ons seker een van die mees onderskatte grondpaaie aan, dis 'n ongelooflike mooi vallei en die padoppervlak is van daai "6de rat en so hard as wat daai ding kan loop" tipe paaie. Bulte, driffies en draaie en jy wens dat die pad nooit sal ophou nie.
Aan die oostekant van die vallei lig 'n steil gekerfde pad jou uit tot bo-op 'n plato, maar sak kort daarna weer af tot waar jy by die teerpad weer aansluit. Hier draai ons links en 'n paar kilo's verder ontsmet ons ons stofaangepakte kele in die Laingsburg Hotel. Na lekker gesels en innerlikes versterk is dit huiswaarts keer, en die grondpad vat ons later weer verby die Anysberg indraai van vroeër die dag. Nou's dit terug op ons spoor, deur die Klein Swartberg en Outol passies totdat Van Zylsdamme se groen lusernlande op linkerhand ons terug verwelkom na 'n perfekte dag.
Hierdie is regtig 'n "must do" roete, so ruim volgende keer 'n ekstra dag in wanneer jy by Koedoeskloof oorbly, en gaan ry dit. :thumleft:
Kaart en paar foto's:
(Sien foto name vir beskrywing)
Attachments
-
1 - Outol Pas.jpg136.7 KB
-
9 - Witteberge pad.jpg134.3 KB
-
8 - Witteberge pad.jpg140.5 KB
-
7 - Witteberge pad.jpg107.9 KB
-
6 - Anysberg Reservaat - Naby die vurk by die Touwsrivier.jpg153.2 KB
-
5 - Papwiel weens 'n (ou) smiley.jpg160.5 KB
-
4 - Anysberg Reservaat.jpg127.2 KB
-
3 - Anysberg Reservaat - Inkomende wolke.jpg137.3 KB
-
2 - Anysberg Reservaat - Inry vanaf oostekant.jpg153.7 KB
-
Roetekaart - Anysberg & Witteberge.JPG196.6 KB