Vir n rukkie bespeur ek al n krieweling vir n trippie en toe ek hoor KR het twee weke vakansie begin planne bymekaarkom
en email's vlie heen en weer.
Trip word n week uitgestel maar hy gebeur.
Ek slaap sommer die aand voor die vertrek by KR om tyd te spaar en as ons al die roetes sou ry wat as moontlikes bespreek
is rondom die vuur sou ons baie lank weg wees en heel moontlik sou KR se kinders nie hoërskool haal want daar sou nie
geld wees nie!! :eek7:
Om tyd te spaar ry ons heelwat teer en die kameras rus n bietjie. Hierdie een oppad Oubergpas toe.
Oubergpas is een van die NoordKaap se mooi(ste) uitsigte(is daar so n woord?) Wind waai geniepsig en die stofie sukkel
om die koue water gekook te kry.
Ganaggapas volg en ja hy is al baie gewys hier op WDs maar hy bly mooi en lekker om te ry. :thumleft:
KR vertoef bietjie laer af om foto's te neem en sien die enigste bossie blomme.
Bo op die kruin wag ek die swart vark in.
Na die kruin van Ganaggapas is die pad vir so 10+km sleg diep modderspore(gelukkig droog) en as jy in een is bly jy daar!!!!
Ek het nog n nare modderonderosie vars in my geheue
:deal: :biggrin:
Ek het n plan om by n mooi ou verlate huis te slaap maar langs die pad verneem ons hy is afgebreek. Jare terug was ek op die huis
se stoep en ek het myself belowe ek gaan my tent op die stoep kom opslaan. Ek het selfs die geskiedenis van die huis uitge-
vind. Hy is in 1952 met n wolboom gebou maar in 1954 raak die eienaar siek en moes hy Calvinia toe trek. Sedertdien het
niemand in hom gewoon. Dis was n pragtige plek.
Ons kampplek vir die aand was asof hy bespreek was. Stil, doodstil met n stroompie wat hoorbaar onder in n klofie loop
en nie een mouter die heel nag. Ons was nog besig om te besluit of dit die regte plek is toe is my bedmaat al daar!!!
Ek het al gewonder of ek hom nie moet loop haal nie.
Na ons als afgepak het vertel KR my hy het vleis!!!!!!!!!!! Kyk dit klop darem enige blikkieskos. Was dit nie vir hierdie
lekker vuurtjie nie was ons al saam met die hoenders in die vere.
En wie kan nou nie so n gesiggie n warm slaapplek gee nie? Ja die muishond wat hy twee weke gelede gevang het se
klankie was met ons maar hy het heelnag my voete warm gehou en hy wou net nie opstaan die volgende oggend!!
Die ou lyk sommer depressief omdat hy nie meer in die tent mag lê die volgende oggend.
Die was n blêrrie koue nag maar die dag het belowend lekker gelyk. Af met die klofie oor Jupiter's Drift
en n draai gemaak
by n nie tuis vriend. Calvinia vir petrol en nog n koffietjie. Kort voor lank ry ons die grote Klipwerf binne en ek dink aan Breekbeen
wat hier rond groot geword het. Ons hou aan noord ry tot ons oos draai Brandvlei toe en laatmiddag kom ons op die pan aan.
Hierdie twee fietse het al n been of twee saam gekou. :thumleft:
Die ou donkie het stadig maar seker onder my vel ingekruip.
KR het drie dinge op sy "bucketlist" gedoen op die trip en ek kon sien die pan vat die koek. Hy kon net nie genoeg kry van die
plek. Is nogal lekker om te sien hoe n mens se rymaat dinge geniet en ervaar. Ongelukkig kan mens net op n klein gedeelte
van die 48 000 ha pan ry maar dis genoeg om mens se lus te bevredig.
Brandvlei se enigste slaghuis kan julle maar ondersteun selfs die wors ook en ek is nie eens n worsfan. Omdat dit vrek
koud word op die pan gee KR my laataand n beker soetwyn. Hy gaan nog n drinker van my maak!!!! :eek7: :imaposer:
Omdat ek weet die wind kan erg waai op die pan het ons "binne" gekamp maar daar het niks wind gewaai nie. Die volgende
oggend toe ons opstaan toe roer hy al. Ek sê vir KR vandag waai hy ons linkerskouer plat en dit was ook so :biggrin:
Ons vat kaart en hy wys links af Williston toe. Ons ry n plat leê stuk aarde binnie waar ons geen rygoed of mense sien.
Baie pragtige leê plaashuise en baie skape en die pad se toestand amper heelpad mooi.
Itsie vir die tande en vir Jmol. :thumleft:
Williston se Mall se toebies is moer lekker en hul koffie ook. Mug'n'Bean julle kan maar kom leer. :deal: Vir n rukkie skuil ons
uit die wind.
Ons vat die grondpad Sutherland toe vir n ent en draai linksaf op n pad wat ek al lankal wou ry en hy was mooi soos ek
gehoop het.
Net hier deel KR sy laaste Beachie met my.....................................gawe klong en toe word ons mos vir die tweede keer
vandat ons saamry gevra of ons pa en seun is!!!!!!!!!!!!!!! :imaposer:
My vrou het uitgewerk ek moes 15 gewees het toe ek KR reggekry het!!! :imaposer:
Ek hou van sulke paaie. :thumleft:
By Elmar en Lizaan aangekom slaan ons kamp op op die gras en ek het alweer n aanhanger!!!
Elmar met sy XT 350 en die hondjie maak n 1000 skaap op n dag bymekaar as hulle moet.
Ons kuier lank en laat en hoor baie interessante goed soos dat 1995 die kloof voor Elmar se huis in vloed was en verskeie
opgaardamme het gebreek. Al die water saam met ander riviere het uiteindelik ingevloei op Verneukpan!!
Vleis was daar baie en geselskap lekker. :thumleft:
Elmar en Lizaan ry die volgende dag saam met ons Laingsburg toe. Net voor ons albei klaar opgepak het kry ons altwee n
geskenkie. N Alluminium beker met
AL3 Merino's se logo op!!!!!!!!!!!!!! So as iemand dalk n stoetram soek ek het die nommer
Ongelooflik hoe koffie warm bly in die beker :deal:
Baie dankie dat ons by julle kon kom plak :thumleft:
Dis baie duidelik Elmar ry baie tussen bosse en slote want hy ry die 1200 soos n popspeelding :eek7:
Laat middag is ek weereens veilig by die huis. Stokflou van min slaap maar tevrede en n ander mens met baie nuwe
memories waarmee ek die ander inwoners van Huis Herfsblaar eendag kan verveel. >
KR dankie vir jou hulp en geselskap en belowe my as ek n storie vertel wat jy al by my gehoor het stop my asb!!!!!!! :imaposer:
Tot die volgende een wat se saadjie al geplant is..............
