Vis Arend said:
Lekker gelees en kiekies gekyk, dankie. :thumleft: :thumleft:
Ek hoop jou koppie is nou effe skoon. :biggrin:
Smaak my jy is soos ek, as Nannie nie saam is nie beplan ek 'n lekker lank trip net om my weer oor drie dae by die huis te kry. :eek7:
Ek hoef dit seker vir niemand wat op 'n motorfietsforum is te vertel nie, maar daar is niks wat die roet kan wegwaai soos 'n solo trippie tussen êrens en nêrens nie. Trouens, dit kan in 'n bakkie of op 'n fiets wees, maar die ooppad het 'n gewoonte om mens sommer anders na dinge te laat kyk.
My ding loop gewoonlik so:
Op die dag wat ek moet ry dan is ek druk besig om eers alles op die plaas na te gaan, take uit te deel, seker te maak daar is geen siek vee nie en so aan. Dan kom ek gewoonlik later weg as wat ek gehoop het.
Dag 1 kom ek nog agter die kap van die byl, kom eers weg van bekende paaie naby aan die huis. Eers as ek op redelik onbekende paaie kom dan begin ek ontspan. Daai aand dan bel ek plaas toe om te hoor of niks onverwags opgeduik het nie. Gewoonlik is dit goeie nuus en ek slaap rustig.
Dag 2 raak die litte los, die fiets het bietjie stof gekry en my kop raak oop. Dit raak lekker.
Dag 3 wil ek my lyf Easy Rider hou en sommer laaaaaaangpad vat oor die horison en die volgende horison en om daai draai en oor daai doerse ver berge. Teen dag 3 dan kan die wêreld maar maak nes hy wil, ek voel 'n veer.
Dag 4 - as ek ooit so lank wegkom - dan begin ek ordentlik sleg raak. Dag 4 is daai Civvy Kak wat die korporaal destyds in die weermag uit jou wou uitjaag, die duiweluitdrywing.
Dag 5 moet ek huistoe anders is daar g'n salf aan my te smeer nie. Dan is ek vir die werkende mens se geledere verlore. Ek sal dan ongeskeerd en vol stof tot in lengte van dae die wêreld kan stukkend toer. Dan raak ek soos Michnus en Elsabé. Maar eintlik teen Dag 5 sien ek uit om weer op die plaas te wees.
eepwall:
