Skud-skud deur die Suide van Nambië

[Flatout]

Ek en my broer Martin met sy vriendin Adi besluit skielik om sommer net te ry tot in Namibië. Oudergewoonte maak ons nie veel planne nie maar pak wat ons dink nodig sal wees en mik Noord.
Dis so koud dat ons by Piketberg moet stop en eers ’n lekker Spur ontbyt wegsit vir branstof. Hiervandaan was dit reguit grens toe. Ons kry gelukkig kamplek by Amanzi net anderkant Noordoewer vir die eerste aand.Hierna het ons roete soos volg verloop. Tweede dag: Amanzi deur Aussenkehr na Ai-Ais waar ons twee dae gekamp het. Dag 4: Ai-Ais na Afgronde, Canon Roadhouse, Grunau, Keetmshoop waar ons by die Kokerboomwoud geslaap het. Dag 5: Keetmanshoop teer tot in Luderitz. Dag 6: Luderitz, Rosh Pinah, Sendelingsdrif en weer tot by Amanzi. Dag 7: Van Rhynsdorp Dag 8: Huis toe.

Die paar grondpaaie wat ons wel gery het was uiters sleg en dit was omtrent ’n geskud. Padkontrakteurs het ontrek van paaie oor betalings geskille. My een crashbar het weer mors-af gebreek maar wonder bo wonder het die Transalp se skokbrekers darem gehou. My niere nie en ek moes weer ’n draai by die dokter gaan gooi. By Rosh Pinah het een van die Sinkmyn bestuurders ons van agter ingejaag en gestop om te keer dat ons die grondpad Oranjerivier toe ry. Volgens hom is hulle al moeg van Bikers red en was hy juis weer oppad om ’n 1200 gs te gaan optel. Die pad het dik sand op en vol poeier-gate. Sinkplaat maak alles nog erger maar ons het maar gery en heelhuids anderkant uitgekom. Ons twee sit maar gewoonlik en ry sodat jou bene daar is om die swaaie en tap-danse te kan hanteer. "Stand up, look up and open up" eindig glad te veel in gebreekte skouers en sleutelbene!

Die volgende drie foto's is in die omgewing van Aussenkehr geneem.

 

[Chrisl]

Lekke lekke Flatout sien uit na jou fotos :thumleft:

 

[Flatout]

Hierna is ons met die 4x4 roete deur die poort na Ai-Ais

 

[antondp]

Hierna is ons met die 4x4 roete deur die poort na Ai-Ais

die gamkap revier vallei, nice.

 

[Wolzac]

:ricky:

 

[Flatout]

By Ai-Ais kamp ons vir twee dae omdat ons die berg wil gaan uitklim.Die rotsformasies maak dit moeilik omdat daar baie los gruis is en die klippe ook baie skerp is.
Die gesteentes hier is blykbaar 200 miljoen jaar oud maar ons kry ’n hardedop skulpie amper heel bo. Die Zebra wat kos soek se skielike gebalk hier langs my het my ook lekker laat skrik.
Ek en Martin suig lug soos turbines teen die berg uit maar maak dit uit eindelik tot bo.

 

[Chrisl]

Flatout waar sit daai keerwal in die Visrivier? Bo kant Ais Ais of onderkant hom?

 

[Flatout]

Nog foto's van bo-af

 

[Flatout]

Flatout waar sit daai keerwal in die Visrivier? Bo kant Ais Ais of onderkant hom?

Net Bo kant die kampterein. Ook al amper heel toe geslik

 

[Flatout]

Ek was in my kinderdae laas by die Visrivier-afgronde en ek kon nie wag om dit weer te sien nie.

 

[StofOtter]

:sip:

 

[Flatout]

By die Canon Roadhouse eet ons ’n Burger wat lyk of dit van Roco-Mama's af kom en lag vir die ou mense wat skelmpies Pandora's box oop maak net om deur die alarm uitgevang te word.

 

[Flatout]

Die grondpad na Grunau is glad en ons ry vir ’n slag lekker.
Oral sien mens verlate plaas opstalle en honger diere.
Dié Gemsbok is al so swak hy het nie eens probeer weg hardloop nie.

 

[Operator]

:sip:

 

[Dorsland]

Julle ouens maak nie mooi met al die lang rit geselsies nie. Lyk lekker Flatout. Daai arme gemsbok lyk erg jong. [emoji45]

 

[Flatout]

Nadat ons petrol in gegooi het in Keetmanshoop, vat ons die uiters slegte grondpad in die rigting van Koës, om by ons oornagplek uit te kom.

 

[Flatout]

Ons kry gelukkig ’n klomp oorskiet chops by die eienaar en kort voor lank braai ons.
Soos wat julle kan sien het die olie-druk ook sommer gou gedaal!

 

[Chrisl]

Daai arme gemsbok lyk erg jong.

As ek n ronde baal lusern kon pos het ek dit nou laat aflaai vir daai gensbok.
As die wild so lyk is daar geen kans vir bees,skaap en bok. Ek dink daai deel van die suide het vanjaar weereens nie reen gekry.
Ek weet nie hoe boer mens daar nie. :eek7:
Ek dink daai area is en was alleenlik winsgewend toe hulle met karakoel geboer word. :deal:

 

[Flatout]

So lyk mens in die oggend as jy besef daar lê vir jou ’n dag van skud agter op ’n motorfiets voor.........
.....die arme Adi het nie besef waarvoor sy haarself ingelaat het nie. ;D

 

[Wolzac]

Daai arme gemsbok lyk erg jong.

As ek n ronde baal lusern kon pos het ek dit nou laat aflaai vir daai gensbok.
As die wild so lyk is daar geen kans vir bees,skaap en bok. Ek dink daai deel van die suide het vanjaar weereens nie reen gekry.
Ek weet nie hoe boer mens daar nie. :eek7:
Ek dink daai area is en was alleenlik winsgewend toe hulle met karakoel geboer word. :deal:

Jy is reg, dit is 'n bodemlose Put, net in die ou Dae met Regerings Hulp en Belasting ontwyking kon 'n Mens daar 'n bestaan maak.