Vinnige Sabie/Graskop trippie.

Strompie · Mar 4, 2021

'n Vriendin van my uit Kaapstad ry solo op haar F 700 GS. Sy het twee aande hier in Gomora by ons kom oorslaap en toe besluit ons ons gaan so vinnige trippie maak van die naweek. Ons het die Saterdag oggend gery op die vervelige N4 tot op Long Tom pas. Hier het ons so bietjie vertoef om koffie gedrink. Vandaar het ons gery tot by Misty Mountain lodge en op hulle Toboggan gaan ry. Dit is maar 'n duur storie, maar dit is baie pret! In Sabie het ons uitgery na Lone Creek watervalle. Die pad soontoe is in 'n baie slegte toestand. Jy sal nou dink dat die paaie na die toeriste aantreklikhede goed onderhou moet wees, maar nee. In die parkade het elke Polo sy eie musiek gespeel en ek het maar eerder met die drone 'n fototjie gaan neem van die valle. Ons is toe deur Graskop toe, ingeboek in ons akkomodasie en toe uitgery na Berlin valle toe. Die pad tussen Sabie en Graskop bly maar een van my gunstellinge.

Strompie · Mar 4, 2021

Nog foto's langs die pad.

Strompie · Mar 4, 2021

Die volgende oggend het ons verder Noord gery tot by die Drie rondavels uitkykpunt en weereens lank daar gesit en ingeneem. Ons het darem 'n mooi land. Ons het ontbyt gaan eet naby Origstad en terwyl ons sit het daar nog 'n klomp fietse ingetrek. Kyk, jy moes daai klomp se kommentare en handeklap gehoor het toe my vriendin op die 700 klim en ek op die 310. Hulle het dit nie verwag nie! :imaposer: Ons het op pad terug by die Berg-en-dal monument ook gestop. Hierdie trippie het maar net weereens bewys dat 'n 310 heeltemal genoeg is om lekker mee te ry. Jy moet net die regte company hê.