Flatout
Race Dog
Die storie begin met Andy en adv wat iets probeer reël vir die naweek. Daar is egter min belangstelling en niks word werklik gefinaliseer nie. Verder jaag Haboob nog die twyfelagtiges skoon skrik op die lyf met sy verslag. Ek besluit self eers op die nippetjie om te ry en reël vinnig met Andy dat ek hom iewers sal kry, maar dat ek eerder die Ceres roete sal volg omdat ek bang is vir die diep driwwe wat in vloed is. So beland ek toe weer eens op ’n semi-solo rit.
Ek trek 07:00 by die huis in snerpende koue weg met my vrou wat vir oulaas vir my laat verstaan hoe mal ek is om te ry. Ek is dik aangetrek en die "heated grips" is op maksimum gestel, maar toe ek ander kant Du Toitskloof uit ry ruk ek van die koue en is ek so versteen dat ek sukkel om draaie te vat. Verder is die mis plek, plek so dik dat ek met ’n oop "visor" moet ry.
Met die son wat begin kop uitsteek, neem ek die eerste foto's in die Slanghoek-vallei.
Ek trek 07:00 by die huis in snerpende koue weg met my vrou wat vir oulaas vir my laat verstaan hoe mal ek is om te ry. Ek is dik aangetrek en die "heated grips" is op maksimum gestel, maar toe ek ander kant Du Toitskloof uit ry ruk ek van die koue en is ek so versteen dat ek sukkel om draaie te vat. Verder is die mis plek, plek so dik dat ek met ’n oop "visor" moet ry.
Met die son wat begin kop uitsteek, neem ek die eerste foto's in die Slanghoek-vallei.