So word daar op kort kennisgewing beplan om die Whale Rally by te woon in Plett saam met ons klub (Universal Riders). Vrydag oggend vroeg stortreen dit en ek besluit om eerder te wag aangesien die voorspelling was dat dit later sou opklaar. Vertrek toe 12:30 en eerste stop in Riversdal waar die KTM se petroldors gevoed word. In Heidelberg word daar weer gestop en ontmoet ons toe n groep manne op pad huis toe na n Namibia trippie. Ons maak ook kennis met n Spanjaard wat met sy F800gs 5maande terug Spanje verlaat het en nou klaar sy draai gemaak het in die kaap. Met n gebroke engels en handgebare verduidelik hy dat hy nog deur Lesotho en Swaziland gaan ry voordat hy die pad terug huis toe vat. Bereik Plett eers ongeveer 18H30 na n senutergende rit in die donker vanaf Knysna.(Sal onthou om volgende keer nie n donker visor op te sit nie). Slaan tent op in die donker en geniet die geselskap en rally tot Sondag oggend. Moet se dat daar is niks soos n lawaaierige en partykeer besope klomp bikers wat jou herinner hoekom jy jou superbike verruil het vir n dual bike nie. Totale km 491 gery alles teerpad.
Whale Rally Trip - 14 tot 17 Junie
- Thread starter Straddle
- Start date
Vroeg Sondagoggend sien ons die res van die klub af en ek, vroulief en seun vertrek in wonderlike weer na ontbyt in Plett op ons eintlike trippie. In die rigting van Knysna ongeveer 5km regs deur wittedrif (stofpad uiteindelik) en toe links op die R340 na uniondale oor die Prins Alfred Pas. Die pad word ook paslik die mountain to sea road genoem. In die pas stop ons by Angies G Spot vir keel natmaak. Ons vind toe dat die diens nie so swak en die bier nie so warm is soos beskryf op die bord nie. Die pas is asemrowend mooi met name soos "convicts grave" en tiekielief draai wat n mens nuuskierig maak om verder uit te vind maar tyd is min en die pad is lank. Ons vra ook maar nie hoe Angies G Spot sy naam gekry het nie. Hiervandaan ry ons deur die Uniondale Poort Pas (teerpad) tot op Uniondale vir petrol vir die dors 990.
Attachments
Vanaf Uniondale volg ons die N9 en toe regs na ongeveer 6km op die grondpad in die rigting van Dysseldorp. Hierdie is n pragtige pad al langs die Kammanassie rivier langs met n paar crossings maar almal is droog. Net voor Dysseldorp gaan n mens ook oor die wapadsnekpas wat ook pragtig is. By Dysseldorp draai ons na Oudtshoorn waar daar volgemaak word en n koeldrankie gedrink word. Vanaf Oudtshoorn ry ons agter deur Schoemansnek, Matjiesrivier, Groenrivier en Kruisrivierpoortpas verby Calitzdorpdam tot in Calitzdorp waar daar ingeboek word vir n warm bed en heerlike aandete. Hierdie stuk pad is ook asemrowend mooi en ons kry kameelperde en ander wild langs die lyndrade. Die sneeu op die Swartberg is ook nog sigbaar en alhoewel die laatmiddag redelik koud is geniet ons hierdie pad terdee. 290km 95% stofpad
Attachments
In Calitzdorp ry ons vas in die plaaslike portfees en het geen aansporing nodig om van hierdie voggies te proe nie. Maandag weereens vroeg uit die vere en uitgerus na die gasvryheid van die dorpshuis. Ysig koud en dit voel asof "frostbite" intree op pad na die seweweekspoort. Ons draai toe regs deur seweweekspoort en geniet die rit waar die berge weerskante uittroon deur die Klein Swartberg Natuurreservaat. Weereens le die sneeu steeds op die pieke en voel n mens die byt van vroeg winteroggend. By die uitgang aan die ander kant draai ons links en volg die pad deur die Koueveld pas en verby die Vleiland Settlement. Verder raak die pad teer en gaan ons deur die Witnekke pas. Hier verlang ek na die superbike aangesien hierdie pas met sy lang draaie vra vir n naelbytrit. Ons draai toe links en ry deur die Perdefonteinspoort Pas hoogte 773m. Hierdie is n uitstekende grondpad maar wees versigtig vir die driffies wat jou maklik verras.
Attachments
By Anysberg besluit ons om deur die natuurreservaat te ry. In die reservaat sien ons heelwat wild maar hulle is maar sku vir die lawaaerige 990 en 660. Hierdie reservaat is pragtig en die paaie ook nie te sleg nie. Daar sal definitief weer teruggekom word om te oornag en meer tyd te spandeer. Aan die anderpunt draai ons links en oor Ouberg terug tot in Montagu. Van hier terug huistoe teerpad om nie te laat terug te wees nie. 390km 70% stofpad. Onvergeetlike naweek en kan nie wag vir die volgende geleentheid nie
Attachments
ShaunF
Race Dog
- Joined
- Jan 26, 2009
- Messages
- 988
- Reaction score
- 8
- Location
- Port Elizabeth
- Bike
- BMW R1200GS Adventure
Thx :thumleft:
