DIE HEL MET 'N SYSPAN - BEESBOER SE STORIE
(Swartbergpas, Die Hel in die Gamkaskloofvallei, Floriskraaldam en Seweweekspoortpas - Januarie 2024)
Dit is 4 Januarie ongeveer 07H30. Die tyd het aangebreek vir die groot avontuur met die ou girlie (Ural met syspan)
View attachment 872275
Almal wat van hierdie plan gehoor het, het my ten sterkste afgeraai. Dit is volgens hulle ‘n mal plan. Die redes was uiteenlopend. Jy is al 67 jaar oud, veels te oud vir dit. Die Ural sal dit nooit maak nie. Dit gaan jou in die steek laat. Die pad in en uit die Hel is te erg en ‘n motorfiets met syspan sal dit nooit kan doen nie.
Ek wou ‘n sirkelroete doen wat die hele Swartbergpas insluit, onder in die Gamtoosvallei by die Hel in een van die ou oorspronklike huise gaan slaap. Die volgende dag weer uitry en deur Prins Albert gaan. Links draai, en die grondpad vat met die baie hekke tot by die Floriskraal dam en deur die Seweweekspoortpas terug ry na Mosselbaai. Ek was ‘n hele paar jaar terug op ‘n 3 maande solo grondpad “soul searching” toer wat hierdie gedeelte ingesluit het met die KTM690. Dit was van Pretoria deur al die provinsies tot weer terug wat sover moontlik grondpad ingesluit het. Toe ek die Ural koop en die geskiedenis lees van wat met dit gedoen was in die 2de wereldoorlog het ek besluit ek wil die Hel gaan doen. Indien die leser belangstel in wat met hierdie toer gebeur het, lees gerus verder.
Ek is nou nie ‘n skrywer nie dus sal die foto’s maar die meeste praatwerk moet doen.
Ek en Junior (ook nie meer regtig junior nie want hy het sopas eerste jaar BSC Landbou klaar gemaak) val in die pad uit Hartenbos. Vat die pad na Oudtshoorn oor Robinsonpas. Maak vol in Oudtshoorn en ry uit verby die Kangogrotte. Net daarna draai ons links en begin die Swartberg avontuur.
View attachment 872277
Dit is waar die avontuur begin! Na ‘n paar kilo’s begin die grondpad verby Kobus se Gat. Die begin van die Swartberg pas is prentjie mooi.
View attachment 872278
View attachment 872279
View attachment 872280
Die afdraai na die Hel.
View attachment 872281
Hierdie padteken moes reeds vir Junior laat besef het hy is in vir ‘n ding. Ignorance is bliss!
View attachment 872282
Piepie stop.
View attachment 872283
Die pad daar in die verte hou vol beloftes in!
View attachment 872284
Die pad is nog mooi! Min wetende wat wag nog vir ons vorentoe…
En toe begin dit interessant raak. Drie wiele, net een wat trek. Elkeen wil in sy eie rigting gaan. Geen reeling langs die pad, berg een kant, afgrond aan die ander.
View attachment 872285
Een van 3 waterkruisings oor die pad.
View attachment 872286
View attachment 872287
View attachment 872288
View attachment 872289
View attachment 872290
Nog water.
View attachment 872291
View attachment 872292
Een van die plekke waar die Ural steeks geraak het en dwars gespring het. Die geheim was om nie die pas te probeer jaag nie. Net genoeg spoed om oor die klippe te kom maar nie so min dat die fiets stol nie. Stol teen veral die terugkom aan die begin sal baie interessant raak want dit is baie steil op en die fiets se remme sluit terwyl jy agteruit gly selfs teen die fiets se motor wringkrag. Tussen ons 2 was ons meer as 200kg met seker, ten minste, so verdere 50kg aan kamptoerusting, klere, tools en spares. Die ou girlie se torque was plek plek maar min en moes ons die koppelaar oorwerk om die toere hoog genoeg te hou.
View attachment 872293
View attachment 872294
Die regering doen geen onderhoud op die pad nie. Hulle het onttrek van Gamkaskloof vallei. Die museum is toe. Nog ‘n deel van ons geskiedenis wat tot niet gaan. Ek glo nie die mense wat daar bly gaan die pad in stand kan hou nie. Dit is alreeds baie verspoel en plek plek sal dringend aandag moet kry.
Slegs die enkele huisies in privaat besit word nog onderhou.
Ons het darem lekker ge-eet met komplimente van die eetplek by die ingang. Baie aangename mense. Die huisie waarin ons gebly het behoort dan ook aan hulle.
Terwyl ons afgery het, het ek nogal gewonder of daar al voorheen motorfiets met syspanne daar was. Ongelukkig was ons nie die eerste nie. Ons was blykbaar die vierde in die 21 jaar wat die vrou van die restaurant al daar bly. Ons was egter die eerstes wat alleen sonder ander of ‘n hulpvoertuig die tog aangepak het.
View attachment 872295
View attachment 872296
View attachment 872297
View attachment 872299
Die Swartbergpas verder tot by Prins Albert was sonder enige voorvalle. Dit bly maar pragtig!
View attachment 872300
In Prince Albert moes ons eers die agterrem weer opstel, brandstof gooi voor ons verder is. Op die pad na Laingsburg is daar ‘n grondpad wat tussen die plase deur vleg en uiteindelik by Floriskraaldam uitkom. Ons het baie hekke moes oop en toemaak. Ek het probeer tel hoeveel maar naderhand by ‘n Zuma getal uitgekom en moet opgegee om verder te tel! Die pad het deur verskeie plase, onder andere, wildsplase gevleg. Ons het heelwat wild gesien. Meestal wildebeeste.
View attachment 872301
View attachment 872302
Daarna het ons links gedraai op die pad tussen Laingsburg en Ladismith. Die Seweweekspoortpas is baie besonders. Die hoe berge en kranse rondom jou, hier reg langs die pad is indrukwekkend. My foon se kamera kon dit nie vasvang nie.
View attachment 872303
Ons het langs die pad, die laaste van ons ekstra brandstof ingegooi om Ladismith te kon haal. Daar aangekom, volgemaak, iets ge-eet en toe Riversend om terug huistoe.
Vir die wat dink ‘n Ural is onbetroubaar. Laat dit ‘n les wees. Die ou girlie het foutloos prestreer met geen breekkasies of skade nie. Dit is egter baie belangrik om seker te maak dat die fiets goed deurgegaan word vir enige los boute en goed gediens is voor die tyd. Moenie die speke, wielrollaers, ens. vergeet nie.
Nog ‘n epiese ervaring kom tot ‘n einde!