Bokveld raak skoonveld in Namibie

[eikeboom]

Lekker vertelling en fotos hierdie oom Bokveld! Sien uit na die volgende episode!
:ricky:

 

[Bokveld]

      Verbasend dat daar in die Stampriet,Aranos omgewing n bietjie besproeiingsboerdery is.Die water word seker maar uit die rivierbedding onttrek.Na omtrent 80km. oor die duine,swaai die pad voor Aranos weer noord ;die keer langs die Nossob op.Die Nossob kom diep uit die Kalahari en gaan skynbaar nerens heen.n Ent voor Leonardville,kruis jy die magtige Nossob oor,maar die brug is skaars 5 meter lank en daars net sand in die droee rivier.Net voor Leonardville ,steek jy die suidelike keerkring oor ,maar daars nie n teken van so-iets nie.Ek sal maar my foto anderkant voor Solitaire neem.
      Die skool kom uit en n paar kinders kom kyk watse vreemde bike is in die dorp.Ek is verbaas om te hoor dat hul in Nama en Afrikaans skoolgaan.Skynbaar word Nama nog heelwat in Namibie gepraat en ek het gedink dis aan die uitsterf.Iets wat my ook opval,is dat daar baie van muile en perde in Namibie gebruik gemaak word,in teenstelling met donkies in SA.

 

[Bokveld]

    Gobabis is my volgende staning en ek is vroeg middag daar.Kry n lekker staanplek by Die Dam.Die kamp is leeg,maar teen die tyd is ek gewoond om alleen te kamp. Lappies,die eienaar vertel my meer oor die dam en die kampplek.Die restaurant was vroeer n tronk en hulle het dit mooi gerestoreer.
Aangesien Gobabis beeswereld is,besluit ek n steakie sal net ding wees vir aandete.Tot op hede het my dieet uit Weetbix,poeiermelk ,sop,energy bar en tee bestaan.Daars mos gewoonlik fotos van kos op RR s.So hiers myne ook.

 

[Oom Foe-rie]

Mei-maand 2014 ................... Ag sorry Bokveld, my gedagtes het in n "time warp" ingegaan  :-[

Lekker RR en ek sien uit na die res ................ :thumleft: :thumleft:

 

[Chrisl]

Bokveld Stampriet lê bo op n ondergrondse meer en die water roep
hulle artesiese water.
Sommige van die boorgate het krane op want die water spuit vanself uit.

https://www.republikein.com.na/landboufokus/stampriet-het-oeroue-artesiese-waterbank.71009.php

Sorry vir die hi jack.

 

[Bokveld]

      Die Dam kamp is langs die Trans Kalahari Highway en jy kry nie baie slaap in nie.Die wind stoot al vroegoggend en ek moet binne in die tent kosmaak.By die vulstasie weier my petroltenk om oop te sluit agv. stof,maar na n spuitjie katpiepie luister hy weer.Hiervandaan raak die pad al slegter agv.meer verkeer.Plek-plek sanderig,maar niks wat ek teen die tyd nie kan hanteer nie.Die earplugs begin maak my ore seer na n paar dae se ry en ek moet maar die geraas trotseer.Op Hochveld probeer ek n Duitse dametjie oorreed om haar oormoffies aan my te verkoop ...sonder sukses.Soos gewoonlik,trek n eensame biker nuuskieriges nader en ek en n Gautengse toeris gesels so lekker dat ek moet aanstoot om Otjiwarongo te haal voor sononder.Ek wil by Kudubos gaan kamp,maar kry nie die plek so 10 km. op die Kalkveldpad nie.Daars n ander kampplek en ek draai daar in.Dis so 6km. sandpad en hier sien ek n paar keer amper my gat.Die plaas behoort aan Frikkie en Susan Bredenhan en wat n lekker kampplek met genoeg vuurmaakhout en heerlike grasperke.Dis n stil aand en ek raak aan die slaap met die sagte geklang van n windpomp daar naby.Die trip raak al hoe beter hoe verder ek noord beur.

 

[Bokveld]

Bokveld Stampriet lê bo op n ondergrondse meer en die water roep
hulle artesiese water.
Sommige van die boorgate het krane op want die water spuit vanself uit.

https://www.republikein.com.na/landboufokus/stampriet-het-oeroue-artesiese-waterbank.71009.php

Sorry vir die hi jack.

Thanks Chris,ek het so-iets vermoed.Hierdie droee riviere soos die Molopo,Auob en die Nossob,kom baie keer met so-iets tevoorskyn.

 

[SchalkL]

Jisse Bokveld, lekker RR, ek like daai wereld kwaai.
Het jy nie dalk so 'n mapscan of iets wat jou roete wys nie, sal nice wees om te sien hoe die pad loop.

 

[dusty]

Dis nou lekker lees die  :sip:    Baie dankie  :thumleft:

 

[Frannarossi]

Baie nice :thumleft:

 

[Wolzac]

Subscribed.
Hoe lekker verlang ek nou.

 

[0012]

:thumleft:
lyk na 'n amazing trip!

 

[GIDEON]

:ricky:
Dit is nou lekker. Pure Adventure  :thumleft:

 

[Bokveld]

Jisse Bokveld, lekker RR, ek like daai wereld kwaai.
Het jy nie dalk so 'n mapscan of iets wat jou roete wys nie, sal nice wees om te sien hoe die pad loop.

Ai Slakkie,ek kom mos nog van n era toe ons gedink het die aarde is plat(moet se tussen Kliprand en Pofadder lyk dit nog steeds so).Ek is nog nie by mapscan nie,maar  jy moet maar die kaart raadpleeg soos my RR aangaan.

 

[Tonteldoos]

Lekker!, maar ek moet se jy is die eerste ou wat ek sien wat sy bike seiltjie saamry..

 

[Bokveld]

    By Wesrand kamp moet ek eers lugfilter skoonmaak,want Kulula start swaar en wil ook nie idle nie.Met sy longe weer oop,is dit n nuwe bike.Maar eers word my vermoens op die sandpad beproef en weer slaan ek amper neer.
    My plan was om oos van Etosha om te ry en by vriende in Ondangwa aan te doen,maar toe ek geen antwoord by hulle kry nie,verander ek my reisplan.Ek ry Outjo en Kamanjab oor en gaan aan die westekant van die panne om.Dit was n goeie besluit.
      Die skole in SA het gesluit en ek merk al meer SA voertuie op.Die manne is tot die tande gewapen met 4x4 s, boswaens,brandstofkanne en gasbottels.Kaokoland word binnegeval deur verskeie konfooie.
      Op Kamanjab maak ek vol en vat n ekstra 5 liter net vir ingeval.Dis nog 310km. na Ruacana.Die eerste 200km. is teer en die orige, goeie grondpad.Die petroljoggie reken dit kan nie te lank neem nie.Meneer ry mos n bike.Die meeste toeriste draai af na Opuwo,want vandaar durf hulle Van Zylspas aan.
      Ek slaap die aand by die Sunset Rest Camp.Effe verwaarloos ,maar niks om oor te kla nie.Hiervandaan wil ek dit kalm vat teen die rivier af.
      Die pad na Swartbooisdrif is iets om te beleef.Ek wens my seun was hier om dit saam met my te ervaar,maar miskien is daar n volgende keer.Daars n paar Himba krale maar die meeste is verlate met n paar maer beeste hier en daar.Dis baie droog vanjaar en die enigste groenigheid is langs die Kunene.
      Ek vertoef n wyle by Swartbooisdrif en swaai dan weg van die rivier af,via Okangwati na Epupa.

 

[Bokveld]

    Die verkeer neem toe ,hoe nader ek aan Epupa kom en die stof hang op die pad.Iewers langs die pad,blaas n Himba-honey vir my n soentjie(die droogte moet erg wees vanjaar).Ek hou kop,want n ou vriend het my gewaarsku:dis die plek van slow punctures.
    Epupa is n ware rusplek en ek ry  tussen die makalani-palms deur op soek na kampplek.In die verste hoek sien ek n paar bikes.n Paar manne rol uit hul hangmatte.Bikers is altyd bly om mekaar te sien.

 

[spoedvark]

Great pics and a lekker ride report so far.  :thumleft:

Subscribed.

 

[Vis Arend]

Ek laaik die kwaai.  Ek verlang terug na daai mooi wereld.  :thumleft:

 

[subie]

     Die verkeer neem toe ,hoe nader ek aan Epupa kom en die stof hang op die pad.Iewers langs die pad,blaas n Himba-honey vir my n soentjie(die droogte moet erg wees vanjaar).Ek hou kop,want n ou vriend het my gewaarsku:dis die plek van slow punctures.     Epupa is n ware rusplek en ek ry  tussen die makalani-palms deur op soek na kampplek.In die verste hoek sien ek n paar bikes.n Paar manne rol uit hul hangmatte.Bikers is altyd bly om mekaar te sien.

:laughing4:
Watse piramied monumentjie is jy daar by