Dorsland trek Tankwa toe

[pietas]

Sit jy en lees die Landbouweekblad op die wit troon?

 

[Dorsland]

Nee darem nie, dis op die bed

 

[Chrisl]

Hoe loop jou spoor môre?

 

[JACOVV]

Karoo Rider - smaak my jy het die hele Wimpy se koffie opgedrink  ;D

Anyway - Dorsland - ek ry saam  :deal:

Geniet elke oomblik.

 

[Swannie 685]

Dorsland,
Wanneer `n mens nog steeds gelukkig is tussen niks en nêrens, dan het jy vrede in jou hart. Dis ook dan wanneer `n mens die eenvoudige dinge meer geniet en waardeer.  :deal:

Daai foto van Skillie maak my dag  :thumleft:

Geniet dit en vertel nog asb.  8)

 

[Man from Nam]

Nog n Dorsland treffer :sip:

 

[Dorsland]

Die kraal waarin die mensdom bestaan, raak al hoe voller. Ons skuur letterlik en figuurlike konstant teen mekaar. Dit veroorsaak skaafplekke wat al rouer word. Soms moet mens maar oor die klipmuur spring en bokspring, kop in die lug, 'n stofwolk agter jou soos jy jaag. Sommer net vir die vryheid en lekker daarvan.

Die dorre dele, smaak my, het 'n manier om die aansitterigheid en blinkgeid van als bietjie weg te brand. Hier is jy tevrede met 'n ou FMpie en sy PM9 battery. Jy kom klaar met 'n goed opgepaste negentien voertsek Isuzu. Jy kuier 'n hond uit 'n bos oor die kontantwinkel se toonbank. Jy strewe na vergenoegdheid, nie na skyn nie.

Hier het mens tyd om 'n volle mens te wees, met al die emosies en gevoel en tyd wat ons heel maak. Hier is daar deel, nie bymekaarmaak. Hier is eenvoud, hoflikheid, mededeelsaamheid, omgee, nederigheid, aanvaarding. Hier is 'n besef dat als genade is. Blink gaan niks aan jou deel daarvan vergroot nie. Hier word met als spaarsamig - behalwe met menswees - gewerk.

Hier, lui die mooi ou klipkerk se toring klok met reëlmaat die ure om. Alles het sy tyd.

 

[Dorsland]

Chris ek is vandag stop-en-ry die 2 passe, Tankwa Park deur tot op Nieuwoudtville. Eers die perd bietjie pitvoer gee dan val ek sommer nou nou al innie pad. Dis lekker koel vanoggend.

 

[Veldbrand]

Ken daai stoepie. Frannarossi en my se bikes het ook al so daar gerus oppad trug van die 1150 bash in Ougrappies.
Lekker en versigtig ry, vat baie kiekies en sien jou hopelik binnekort.

 

[subie]

Gannagapas op en daai stuk bo voor Middelpos is n nagmerrie as hy nat gereen is. Sal dit self nie daar waag as hy nat is nie  :eek7:

 

[Dorsland]

Soos dit met 'n goeie Dorsland Trekker hoort, het ek my proviand van drinkgoeitjies, beskuit (oftewel Ginger Nut koekies) en kuduwors om 21 dae in die wildernis te kan oorleef.

En g'n trekboer wat sy sout werd is kan sonder 'n goeie veesweep klaarkom nie

 

[Bie]

Kinky... Sweep en al. Waar is jou boeie of vat jy sommer n tou?

 

[Dorsland]

Hehe. Dis om die PBs hier rondom Allpay uitmekaar te maak.

 

[Dorsland]

Kennelik het ek my uitpak inspeksie gedruip...

... en my boetse is nie tot op standaard gebone nie, ek issie lus vir kasernearres nie, so ek gaan maar die pad vat.

Ek siet julle op Nieuwoudtville

 

[Matewis]

Nee man, dis nie mooi nie. NOU MAAK JY MY GAT JEUK!!!  :sip:

SUB

 

[Dutchman81]

:sip: Baie mooi sovêr oom , ek ry graag saam met die RR  :thumleft:

 

[Chrisl]

Gaan eet in Jupiter's in Sutherland n toebie. Gawe kos net om die hoek van die garage.
As hulle vir jou sê die pad Middelpos toe is onrybaar oor modder ry Ouberg af en dan deur die Tankwa tot by die park se kantore en
ry dan Ganagga van onder af op en weer af en dan Niewoudtsville toe.

 

[Gysbert]

(Ek is nogals nuuskierig om te weet watter paar kouse  jy aangehad het . )

Kaalvoet klonkie

Jy moet sit in die bad en jou hele lyf was, nie staan en net tot jou enkels was nie.

 

[Karoo Rider]

Die kraal waarin die mensdom bestaan, raak al hoe voller. Ons skuur letterlik en figuurlike konstant teen mekaar. Dit veroorsaak skaafplekke wat al rouer word. Soms moet mens maar oor die klipmuur spring en bokspring, kop in die lug, 'n stofwolk agter jou soos jy jaag. Sommer net vir die vryheid en lekker daarvan.

Die dorre dele, smaak my, het 'n manier om die aansitterigheid en blinkgeid van als bietjie weg te brand. Hier is jy tevrede met 'n ou FMpie en sy PM9 battery. Jy kom klaar met 'n goed opgepaste negentien voertsek Isuzu.  Jy kuier 'n hond uit 'n bos oor die kontantwinkel se toonbank. Jy strewe na vergenoegdheid, nie na skyn nie.

Hier het mens tyd om 'n volle mens te wees, met al die emosies en gevoel en tyd wat ons heel maak. Hier is daar deel, nie bymekaarmaak. Hier is eenvoud, hoflikheid, mededeelsaamheid, omgee, nederigheid, aanvaarding. Hier is 'n besef dat als genade is. Blink gaan niks aan jou deel daarvan vergroot nie. Hier word met als spaarsamig - behalwe met menswees - gewerk.

Hier, lui die mooi ou klipkerk se toring klok met reëlmaat die ure om. Alles het sy tyd.

:thumleft: 'n Meer treffende beskrywing van die Karoo het ek nog nie teëgekom nie.  Magtag dis mooi geskryf.  :deal:

 

[Oom Foe-rie]

Plaas stories of toer stories ................ magtag Dorsland maar jy het n gawe met woorde ........... Sien uit na jou RR ..........  :thumleft: :thumleft: