Leeuhart en die Donkie

[Bliknêrs]

Ons jongste maak toe mos die jaar klaar met skool.
Hy ry al motorfiets van kleins af en ons beplan al n tydjie om op n "road trip" te gaan sodra hy sy laaste vak geskryf het.
Woensdag skryf hy klaar.
Vrydag wil ons ry.
Hy kon kies waarheen, en die keuse was maklik en vanselfsprekend. Gamkaskloof toe (ons noem dit nie "Die Hel" nie want daar is ander rol spelers in die huis).
Oor die laaste paar weke maak ons onderdele (binnebande, baggasie, olie ens) bymekaar en ek sorg dat die 2 motorfietse vars olietjies het en dat niks gaan afval nie terwyl die matriekseun (hopelik) hard leer vir sy laaste eksamens. Ek vind later uit dit was opstelle gewees en hy kon eintlik maar gehelp het. Maar dit hou my uit die kwaad uit.
Ons bagasie word beplan en afgesien van die gewig (ons neem elkeen ons eie tent saam) lyk ons of ons darem alles sal kan saamneem.
Die motorfietse is n 2019 Honda XR150L 5000 harde skoolseun kilos op en n 2012 Honda XR650L met 12000 rustige waardige kilometers op (dis nou ek).
Daar is geen pryse as jy kan raai wie is Leeuhart en wie is die Donkie nie.
Die naweek voor ons ry is daar amperste konsternasie. Dit reen katte en honde. Daar is verspoelings in George. Nog n koue front word verwag vir die naweek met baie reen. Ook in die Swellendam, Vanwyksdorp, Calitzdorp en Gamkaskloof omgewing.
Ons is filosofies. Praat mekaar moed in.
Dis Desember hoeveel kan dit dan reen?
Dit reen mos nooit in Gamkaskloof nie.
Ons het mos tente.
Dit sal nie twee naweke na mekaar reen nie, sal dit?
Dit gaan Epic wees.
Ek sien n aanmerking op Die Hel se Facebook bladsy waar iemand die aanmerking maak die pad is "lewensgevaarlik". Ons lag daaroor, nou wil ons eers gaan. Ons maak dubbelsinnige aanmerkings aan die eet tafel daaroor sodat niemand iets agter kom nie. Ons lag daaroor.
Die manne is braaf.
Ons laggies is dalk net n oktaaf of twee te hoog.
Fototjies - seker so 2009 se kant geneem
Foto 1 - Ons het lekker gery op my DR650.
Foto 2 - Kort daarna gaan hy skool toe, toe kry hy sy eie PW.
Foto 3 - Die kwad ryery was van korte duur - dankie tog.

 

[Chrisl]

Sub!! :thumleft: :thumleft:

 

[Wolzac]

Jy maak jou Kinders mooi groot. :sip:

 

[ETS]

Ons wag in spanning

 

[Bliknêrs]

Vrydagoggend vroeg maak ons gereed om te ry. Gewoonlik sukkel ek om hom uit die bed uit te kry (vir skool). Vanoggend wag hy vir my en spring dadelik uit die bed uit en begin gereed maak.
Met die inpakkery kry ons egter net een van die oprol matrassies. Ons ry eers gou af Ko-op toe om een te gaan kry.
Terug by die huis pak ons alles, maak dit stewig vas en groet.
Die 150 het my ou BMW sak agterop. Die BMW is af Kaap toe vir herstelwerk en het nooit terug ge kom nie so ek het nog n klomp van die goed wat eintlik by hom hoort. Ek is besig met n bande uitverkoping op Gumtree en hou hierdie spasie dop vir ander goed soos wat ek daarop afkom in die motorhuis. Die Motorrad sak is lekker groot en maak met stewige knippe vas op die 150 se dra rakkie. Dit pas perfek. Al sy goed gaan maklik daar in. Ek sien later die aand toe ons kamp maak hy haal sy kussing ook daar uit.
Voor die Motorrad sak op sy sit sitplek, is sy slaapsak en nuwe oprol matrassie in n swart sak vir die stof. Op sy rug n rugsak met sy binnebande, selfoon, sonskerm ens. Alles word bymekaar gehou deur 'n nuwe rek net.
My XR is soortgelyk gepak behalwe dat ek altwee tente op my dra rak het en my goed in n ronde sak is. Slaapsak en matrassie in n swart sak en al ons gereedskap, pomp ens in my rugsak (redelike gewiggie). Skoene, plakkies en gas stofie sommer so onder my rek net ingedruk. Due Tyreweld en toerusting om bande om binnebande om te ruil is onder aan my dra rak vas.

Die tenks word teen 10H30 volgemaak en ons vat die pad deur die Tradouws pas Barrydale toe. Daar wil ons eet sodat ons kan hou tot aandete.

Ons ry deur Tradouws pas. Daar is orals watervalle. Dis pragtig. Ons wys vir mekaar. Kyk daar. Proteas wat blom, watervalle. In Barrydale aangekom hou ons verby die Pampoenwinkel. In die stilligheid hoop ek Derek sien ons nie, want dit voel of ons dis-lojaal is teenoor al die glasies soetwyn wat ons oor die jare al daar gedrink het. Self my kinders het hulle "tot" gekry as hulle saammet my op die motorfiets daar aangekom het. Dit was vir hulle iets om oor te spog!

Vandag het ons egter n ander plek in die oog waar ek laas baie lekker kerrie ge-eet het.

 

[Bliknêrs]

Hoop die foto is nou reg.

 

[Bliknêrs]

Ons bestel pizzas. Gooi dit toe onder die Tobasco want ons is mos motorfiets manne. My lippe is later dood maar ek druk deur. As ek opkyk kyk ek in n rooi gesig vas wat smaaklik sy pizza sit en eet. Nog Coke word bestel. Later nog een. Ek bly maar op die koffie. Hier is baie bossies langs die pad.
Toe ons klaar is, vat ons die pad. Hy vra of hy kan voor ry. Dis reg met my, die pad is nou en ek kan darem probeer om die kansvatters wat vinniger as ons is en wil verby druk n bietjie in toom te hou. My vader hard is swak as dit by sulke goed kom.
Ek verduidelik waar ons moet afdraai (Brandrivier) en ons vat die teerpad. Die Klein Karoo is baie mooi. Daar is slote wat ek baie baie lanklaas vol water gesien het wat nou wil-wil hulle lyf riviertjie hou om die bruggies gestand te doen.
Brandrivier aangekom draai ons regs. Nou druk ons deur na die Ladismith / Riversdal pad toe. Van daar af oor Mond-van-Pietsrivier en Vanwyksdorp toe waar ons gaan kamp. Dis nie ver nie. Ons het baie tyd so ons stop gereeld. Elke keer word word daar wheelies ge-oefen en seker gemaak die agterband hou nie onnodig langer was wat nodig is nie (daar word ge kwyl oor knobblies)

 

[Bliknêrs]

Kort voor lank is ons by die teerpad. Dis n kort entjie om by die Mond-van-Pietsrivier afdraai te kom (seker so 10km) maar dit voel lank. Ons ry teen die wind in. Die 150 verbaas my. Op die foto kan jy kom ver in die pad op sien.

 

[Bliknêrs]

Die afdraai kom uiteindelik. Dis n lekker stukkie pad, een van my gunstelinge. Daar is n paar water poele en modder kole maar dis meestal sand. Ons gaan maak n vinnige draai op Mond-van-Pietsrivier. My grootuers aan my ma se kant was hier bywoners gewees. Dis eintlik maar net n groterige plaas maar ek kan dink dat daar vroeër jare skool en kerk gehou is want die vêr van alles af. Daarna ry ons Vanwyksdorp toe. Dis redelik warm. Dis seker so 15H00. Ons gaan soek die winkel want ons het n paar goedjies nodig. Ek gaan soek iets om te drink by die drankwinkel. Daar is bottels OBS maar nie 1/2 jêkkies nie. Die gawe vrou verkoop my n plastiek botteljie OBS vir R22. Die botteljie lyk n bietjie benede my waardigheid, maar die prys is reg. Ek doen navraag oor petrol en sy bel sommer n plaaslike kalant wat petrol in houers verkoop.

Terug gekom by die motorfietse staan n man met Aidan en gesels. Ek ken hom toevallig, hulle het die Spekboom restaurant waar ons al baie lekker gekuier het. Hy wil ook n motorfiets koop, sê hy. n Hero Honda 200cc vir R46k. Ek moedig hom aan. Motorfiets ry is lekker.

Daar hang so n ander javel oor rond net buite bereik. Toe Jan loop kom hy nader. Gewoonlik het ek nie veel geduld met dronk mense nie maar vandag is ek op my beste maniere. Ek raak aan die gesels met hom. Hy komplimenteer ons eers, en vra daarna R20. Ek vra as hy nou die geld kry wat gaan hy daarmee maak? Nee, brood en melk vir sy kinders koop. Ek se reg, stap saam en koop vir hom twee kartonne melk en n brood. Hy verdwyn. Nou wag ons vir die petrol smous. Hy kom maak n draai en ek koop 5L vir R135. Dis nodig want ons is nog lank nie klaar motorfiets gery nie.

Ons ry af Opi Oewer toe en pak die motorfietse af. Raak aan die gesels met die einaar en sy vrou. Daar staan n BMW 1200 voor sy huis en hy is heel gaaf.
Die tente word opgeslaan. Ek maar reg om te ontspan maar kom gou agter daar is n probleem. Wat nou?
Nee, sy bril is weg.
Ons soek orals. Hy onthou hy het hom in sy hand gehad toe hy die oom gegroet het wie se plek dit is.
Ek is skepties, en sien al hoe lê die bril in die sand voor die kafee. Ek stap op Kafee toe. Die eerste Kafee waar ek in was lyk dit my toe behoort aan dieselfde man (of n broer). 'n Uitlander. Hy is baie kortaf en onvriendelik met die kliente maar baie vriendelik met my. Hy jaag hulle weg om my eerste te help. Ek dring daarop aan om my beurt af te wag. Toe ek voor kom vra ek oor die bril. Hy lyk verstom dat ek kom dink iemand het dit dalk opgetel en by hom ingegee. Ek loop en gaan soek buite. Daar staan n Prado geparkeer op die plek waar ons gestaan het. Ek sien al die stukkend gery'de bril. n Dame kom uitgestap en sit haar inkopies op die Prado se agtersitplek. Sy klim agter die stuurwiel in. Haal haar telefoon uit en begin Whatsapps stuur. Ek staan en braai in die son. Uiteindelik ry sy. Ek soek daar maar kry niks nie. Stap maar terug kampplek toe. Soek-soek.

Ons kry later die bril in sy rugsak se handvatsel in gehaak. Alles is weer reg. Ek is bly. Brille is duur.

Nou gaan ons terug Kafee toe. Ek wil krummelpap en sous maak vir by ons braai. Ons koop meel, n ui en tamatie. Ek vergeet die sout tot ons spyt. Ek lig almal in dat ons die bril gekry het. Hulle probeer onthou watter bril. Ons ry weer. Sit die pap op die gasstoof.

Nou moet ons weer gaan ry. Kyk wat oor die bult is. Ek sit maar die pap af en daar gaan ons alweer. Ons ruil motorfietse. Die 150 ry baie lekker sag. Dis n lekker motorfietsie. So ry ons uit op die Herbertsdale pad. Ek begin later koud kry want ek het net n T hemp aan. Ons stop by n Gedenknaalv vir n kommandant van Heerden wat in die uitvoeting van sy pligte in 1946 langs die pad omgekom het. Omstandighede onbekend. Dalk polisie? Nie seker of hulle Kommandant range gebruik het nie. Weermag? Uitvoering van pligte binnelands in 1946? Sal gaaf wees om te weet.

Ons draai maar later om en ry terug kamp toe. EK raak besig met die kos. Toe moet ons weer anderkant toe ry om die sonsondergang te gaan kyk (dit was asemrowend).

 

[Bliknêrs]

vlg

 

[Bliknêrs]

Ek het hierdie op Geocaching gekry i.v.m. die Kommandant se graf. Blyk dat hy 'n Polisie Kaptein was. Dalk is die "Kommandant" n spelfout. Jy kan mos nie tippex op n gedenknaald nie

Kommandant sȇ Graf (Commnder's grave) is an obelisk where commander Barend Mattys van Heerdenfell after he was shot by fugitive Piet Matthyse.
The incident had a tremendous impact on Soon van Wyk, who, despite the fact that he, not yet being the correspondent for "Die Burger", had his first report regarding the incident in 1946 reported on the front page of the newspaper. He was involved in the attempt to immortalise the incident. Soon van Wyk, with the help of Barend Streuders, later single handed erected the obelisk, in memory of Cpt. B.M. van Heerden at Soutkloof. Cpt. van Heeredn’s wife, daughter and son were present during the unveiling of the obelisk. The inscription reads "Kommandant B.M. van Heerden. Hy het sy lewe hier gegee in die uitvoering van sy pligte op 30 Dec 1946" (Commander BM van Heerden. He gave up his life in th execution of his duties on 30 Dec 1946). Soon van Wyk painted the trellis work around the obelisk annually till his retirement.

Piet Matthyse was a murder suspect who was being tracked by Cpt. B.M. van Heerden. He shot Cpt. van Heerden from a distance of approx. 100 meters. The place where Piet Matthyse was sitting when he fired the shot that killed Cpt. van Heerden has been piled with white painted rocks and is visible from Cpt. van Heerdens obelisk on the opposite side of the road.

Please do not climb over the fence looking for this cache, it is not placed at the grave site. When facing the grave follow the fence line to your right.

 

[stcomza]

Baie dankie, het sover lekker saam gery  :thumleft:

Krummel pap sonder sout? Julle is rowwe bliksem's  :biggrin:

 

[Bliknêrs]

:laughing4:
Nooit weer nie!

 

[wooly bugger]

:sip:

Mooi storie!

 

[RobCrouch]

Lekker RR en storie.

 

[Neo_za]

Lees lekker...gooi :thumleft:

 

[Sheepman]

Very well written report of a trip that will stand the test of time  :thumleft:

 

[Bliknêrs]

Dankie en thanks manne.
Ek sal more weer aangaan solank dit nog vars in die kop is.

 

[Herkules]

:sip: Mooi vertel en lekker gelees, het daai pad gery maar die gedenkteken gemis, sal maar weer moet ry.

 

[Karoo Rider]

Bliknêrs skryf klaar asb. Iemand anders se stories en foto's van 'n mens se "back yard" is altyd vernuwend. En dan ook sal ek graag oor 'n paar jaar my "laaities" ook so op bike trips wil vat - dis kosbare tye.