Die begin
Wat van n rit deur die Karoo? Wel, met n groot genoeg duik in die kredietkaart en n bietjie vindingrykheid om ongesiens by die werk weg te kom https://wilddog.net.za/forum/index.php?topic=78989.0 is alles moontlik.
N moontlike roete word vinnig uitgewerk met die hulp van n paar van die honde https://wilddog.net.za/forum/index.php?topic=73481.0 (alhoewel een sin daarin terug sal kom om my te treiter) en kort voor lank breek die groot dag uiteindelik aan.
Die idee is om die bikes te trailer tot op ons wegspringplek Suid van Kimberley en ons ry so 4 uur die oggend weg uit Pretoria om die Vrydag oggend verkeer te mis. Ek oorskat heeltemal die Hilux se petrolverbruik met die gevolg dat ons Ventersburg haal op petroldampe. R1000-00 se petrol word ingegooi (daai bakkie gaan my nog bankrot maak) en ons stoot deur tot by ons oornagplek wat ons so twee uur die middag haal.
Die Blou Blits van Wingate Park!! :biggrin:
Die snaakse bokke en die sonbril effek
Frans is ons gasheer op hierdie ongewone wildsplaas en gou is ons in nog n Hilux besig om te bundu bash en bokke te soek. Tyrekicker (TK) sal hier moet help met van die name, maar ons het n paar unieke (en baie duur) bokke raakgeloop in ongewone kleure. Dit is iets wat mens nie aldag sien nie.
Die baie baie duur en gesogde Brons Wildebees!
Swart Rooibokke saam met die gewone Rooibokke
Swartwitpense met jong verse.
Wit Springbok met exotiese Koper Springbokke.Gewone Springbokke het wit in hul kleur waar die Koper Sprinbok dit nie het nie.
Swart Rooibokke is baie mooi en duur,maak jou reg om 'n R100 000 minimum vir 'n ooi te betaal en R200 000 vir 'n rammetjie.
So paar van hulle op die werf sal my 'n baie gelukkige man maak! :biggrin:
Die gewone Blesbok tesame met die Wit Blesbok en die duur Koper Blesbok.
Terug by die plaashuis n paar fotos geneem van die hans groot gemaakte jakkalse wat later die aandstilte so mooi sou onderbreek en so n bietjie met die jong jagluiperd gaan speel. Ek sit nog so en krap sy pens toe TK met sy sonbrille aan nader stap en daardie jagluiperd sy gat af skrik toe hy opkyk en in die groot swart brille vaskyk. Die fotos wys dit eintlik baie goed en mens kan sien hoe daardie kat eintlik regmaak om hom te bespring. As TK sy rug op hom gedraai het sou hy binne n paar sekondes n paar skerp naels daarin gehad het.
Rooijakalsies in die hok.
Tierboskat is baie baie mooi maar ook baie moerig!
Die hans grootgemaakte jagluiperd het 'n werf van sy eie en daar kan hy doen net wat hy wil,hy is asteware die baas van die plaas.
Een ding wat 'n feit soos 'n koei is ,is dat hy nie 'n donder van 'n sonbril hou nie,of was dit dan nou nie van my nie. :biggrin:
Terug by ons huisie bekyk ons al ons kit en besluit ons gou dat ons nie eintlik lus het vir n kamp trip is nie en dat ons liewer die B&B ding gaan doen. Die oortollige kamperings goed word gou agter in die bakkie gegooi.
Die aand word afgesluit met n groot vuur, n lekker braai, n paar knertse OBS en die donker en stilte van die Noord Kaap vlaktes maak vir n welkome verandering van die tappits wat langs my bly se gewone naweek rugby braai partytjies.