BOTS/NAM- 6400km in 14 dae

[Trokkie]

Dankie sover vir die terugvoer, hier is nog 'n dag.

Die kamp by Popa valle is baie mooi , ons het lekker gerus en het met baie hoop en duimvashou na Rundu vertrek sodat ons die bike daar kan regmaak.  Ons het beplan om die grondpad teen die Okovango te volg maar het besluit om maar teerpad te ry met die siamese 950's. Die 200 km het vinnig verby gegaan al moes ons kort-kort stop om Johan se voorband te pomp.

In Rundu het ons by Pupkewitz Toyota aankeklop vir hulp. Hulle werkswinkel is vir ons aangebied en vinnig is begin met die maak van 'n plugspanner. Die plug het uitgekom en dit was 'n mooi gesig toe die enjin swaai en die water uitspuit. Nog mooier was die klank toe, om 'n dakar kommentator se woorde te gebruik " when the beast barked to life" Andries het egter voor die water episode al gekla sy bike mis en die mis was nog steeds daar. Ons het gehoop die drade is maar nat en het in die pad geval. Na 100 km was die mis nog steeds daar.
Die Chinese is besig om die pad na Oshikati te teer, op groot skaal. Die pad volg die Okavango rivier. Ons het boskamp gemaak teen die rivier. Die nag het, vir die eerste keer in my lewe, mense wat in 'n ander land as ek is my uit die slaap gehou. Die partytjie oorkant die rivier het heelnag aangehou. Die spot was egter baie mooi.

Hier is paar foto's

 

[Trokkie]

Nog foto's

 

[Trokkie]

En nog

 

[Trokkie]

Nog

 

[Trokkie]

Met die stop in Rundu het ons agter geraak op die skedule en het besluit om die 600 km te ry tot by Kunene river lodge by Swartbooisdrif. Die eerste ent gondpad is lekker, net baie reguit teen die reguit deel van die grens. Andries het nog gekla oor sy bike wat mis en teen die tyd moes alles al droog wees so dit was nie die water nie. Met die stop vir middagete noem hy dat die bike vrek as hy die lig afsit. Ek was redelik seker dat dit dan net 'n los battery terminaal kan wees. Die bedrading grond in so geval deur die gloeilamp na die bulp se grond. Dit was toe so maar hy moes drie keer die bike strip om die fout te herstel a.g.v sy eie knoeiwerk. :laughing4:
In die dorpie Enhana het my sonbril 'n nuwe baas gekry terwyl hy twee keer sy crashbars en bashplate afhaal. Ons het net voor donker by Kunene river lodge aangekom en moes eers deur die hek met die eienaar onderhandel om in te kom. Hy is nie lief vir bikes nie. Sy plek is egter baie mooi en ons het tot laat saam met 'n klomp manne van Namibian  Breweries gekuier. Hulle is 'n span wat bottels in kaokoland optel om die plek skoon te maak. Hulle het op een dag 26 ton bottels opgetel. Die gehate bikers was toe BAIE stiiler as daai span, al se die baas hy bedryf 'n "quiet camp"

 

[Trokkie]

Nog

 

[Marnus]

Wow - excellent report!! :drif:  I think you should have inflated your tires again before going into those rivers!!  :biggrin:

 

[Oetie]

Thanks, an adventure filled report!! :thumleft:

 

[GO GIRL]

WOW Guys what a GRT RR lots of fun and adventure ..... :thumleft:

Must 'grab a buddy an do something like this ......

 

[TVB]

Trokkie die RR is great, baie mooi fotos en storie!  :thumleft:

 

[Mark Hardy]

:thumleft:

excellent RR, what an adventure.

Must 'grab a buddy an do something like this ......

Me Me pick Me  :biggrin:

 

[ktmmer]

Hene boet ek het 4000km in 5 dae gery deur Bots op n 640  die bloed was eers twee weke later terug in my gat    ;D

 

[Frannarossi]

Hel dis 'n nice report met nice fotos man :thumleft: .Ek begin amper dink dat 'n KTM die Long way round en Long way down trips sou kon doen! eepwall:

 

[Trokkie]

Terwyl ons die aand saam met die manne van Nam breweries gekuier het het hulle ons probeer oorreed om nie die kort pad Epupa toe te ry nie. Dit is nog te vroeg in die seisoen, die pad is te rof vir bikes, die mense breek hul 4x4's op die pad BLA BLA BLA. Ek het al geleer om my nie te steur aan die 4x4 manne se praadjies nie. Hulle het nie rerig 'n idee waar motorfiets kan ry en hoe vinnig jy met 'n bike oor sleg pad vorder sonder om te jaag nie. Hulle wag seker nou nog dat ons stert tussen die bene kom hulp vra!!
99% van daai pad is goed. Daar is 5 of 6 rowwe stukke van tussen 50 en 100 meter. Dit is hier waar ek dankbaar was vir die 16 tand sprocket op die 950. Die pad is baie steil op en baie rof. Jy het baie wringkrag by lae revs nodig. Ons sou def. meer gesukkel het met 17 tand sprockets.
Die pad volg die rivier en ek kan nie anders as om dit as beeldskoon te beskryf nie. Die natuurskoon is asemrowend en ek sal dit lank onthou. As jy ooit die kans kry om daar te ry, gryp dit aan.
Teen die rivier het ons 'n Duitser en sy Tjeg meisie ontmoet. Hulle toer al sewe maande.
Na net minder as 4 ure het ons Epupa valle bereik. Wat 'n besonderse plek. Die tente het seker 2 meter van die rivier gestaan en die gedruis van die valle is amper so mooi soos die 950 se purr met die akros. :ricky:

Nou gaan ek eers vir paar dae jag, sal volgende week weer iets skryf.

 

[Trokkie]

nog

 

[Trokkie]

en nog

 

[GStry]

Awesome guys, great RR  :thumleft:

 

[Frannarossi]

Ek dink jy moet nou ophou om foto's te post want as ek nog van die tipe foto's gaan sien los ek wragtig als net so en verdwyn vir 'n maand of drie op 'n trip!!!Hoekom trou mens dat jy MOET werk om vir jou vrou en kinders te kan sorg (en nie net kan verdwyn wanneer jy wil nie)?

 

[Gee eS]

Baie lekker RR!

 

[Jacko]

Befok! :thumleft: G'n back-up voertuig in sig nie. Net julle, julle boneys en julle eie ondernemingsgees.

Daai pad van Askham na Vanzyls is kak, hoor!

Laasjaar toe ry ek en twee manne daar. Nes jy se, bo 100 km/h raak hy nogal 'opwindend' weens die sinkplaatpad en los gruis kombinasie. Ek het 'n paar semi-tankslappers daar gekry.

Maar die een ou het heeltyd gekla hy wil " 'n bietjie vinniger" ry. Soos in 140. Tot vandag toe kan hy nie verstaan dat as jy daar seerkry, jy in DIEP kak is nie. Maar hy sien homself as 'n bietjie van 'n "Ready to Race" legende.