Ek moet se om weer te werk na 5 weke se plesier is nogal moeilik maar my hart en lewer waardeer die ruskans!!
Die rus by Epupa was baie lekker. Ons wou nou in die rigting van Orupembe ry. Van Zyls pas was egter nie op die menu nie. Die bikes was baie swaar en ons kon nie bikers kry wie se skills ons ken om 'n idee te gee hoe taai dit werklik is nie. Die C43 na Okongwati is baie lekker, ons kon egter nie petrol daar kry nie.Toe ry ons maar verder suid met die C43 tot op Opuwo en maak daar vol. Ons wou graag die aand naby Orupembe boskamp om die volgende dag in die Khumib en Hoarusib af te ry. Die roete reg wes van Opuwo is die D3703, so 200 km.
Dit is 'n lekker pad met baie driwwe en nogal springbokke ook. Toe metteens na 100 km by Etanga verander die pad. Die pad het meteens baie langer geword. Twee spoor, dik sand, klippe, steil op en af, wat ook al dit is daar. Dit is egter baie mooi al wou ons dit net agter die rug kry. Die pad het ook die eerste pap wiel opgelewer. Van al die skud het Johan se een pannier in 'n top box verander. Niks fout met die panniers nie, die pad is net eenvoudig te rof, veral as jy haastig is. Een van die boute het losgeskud en die oorblywende punte kon nie die pak vat nie.
Die sleeptou het ook weer handig te pas gekom om Andries se stoel te herstel ;D
By die Orupembe beer shop het ons yskoue koeldranke, 'n paar blikkies kos en selfs 'n bottel Riekielou gekoop en toe so 15 km gery om weg te kom van die locals en in die rivier kamp op te slaan.
As daar olifant mis oral rondle is 'n boskamp nogal 'n interesante ondervinding. Die tente is maar redelik onder die bome weggesteek. Daar was 'n paar kameelperde naby ons kamp maar gelukkig nie olifante nie.Die gesnork van vroeg af het hulle seker maar afgeskrik!