Ons RSA toer, of gedeelte daarvan.......2016

[Duster]

Van Worcester af het ons rigting Ceres gery tot by die Baines kloof pas afdraai.  Toe ons daar links draai voel ek die wind druk effens ongemaklik, maar ons stoot aan.  Bo-op die pas waai die wind ons dwars heen en weer oor die pad.  By 'n uitkykpunt, trek ek af om te kyk of dit beter gaan wees.  Stoffies kan nie afklim nie, dit wind wil haar omwaai.  Uiteindelik is sy af en gaan klou verbete aan 'n muurtjie vas.  Ek sit die side stand uit en klim af, om onmiddelik die bike te gryp voor hy omwaai.  Ek het nog nooit so iets beleef nie.  Stoffies het die kamera om haar nek, maar kan nie die muur los om 'n foto te neem nie.  Met groot gespook is ons weer op die fiets en toe die rukwind vir 'n oomblik bedaar, trek ek weg en vind dit makliker terwyl ons ry as om stil te staan.

Dit was rerig skrikwekkend.  Ek sal die angs in Stoffies se oë lank onthou.  Ek self was baie bang gewees.  Ons is nie gewoond aan sulke winde nie.

3uur die middag klok ons in by Fred en Elmarie en kuier die aand heerlik saam met die familie.  More ry ons Velddrif toe.

 

[Duster]

Plan was:  ry so 10uur se kant al langs die see op tot by Velddrif.  Nee, seg Fred, hulle vat ons gou vir sight seeing Kaap toe.  Hulle ry 'n GS, en jy stry mos nie met 'n ou wat 'n GS ry nie! ot:

So gesê, so gedaan!  Die hele Kaap vol, brunch by 'n oulike plekkie in Noordhoek en 12:30 terug by die huis om te pak.  13:00 trek ons weg in Durbanville en met 'n kopwind van omtrent 1000km/h, stoot ek so hard ek kan Velddrif toe wat so 180km ver weg lê.  Dis waar ek die vrotste brandstof verbruik gekry het.

Dit was koud, winderig en het na motreen gelyk sover ons gery het, maar ons was so 15:00 veilig in Port Owen.

 

[Duster]

Port Owen Marina was ons oornag plek vir die volgende 7 aande, voor ons 1 April sou moes terugry Limpopo toe in 3 dae.  Om 'n lang storie kort te maak, het die weer ons net 1 dag kans gegee om rerig die buitelug te geniet.  Die res van die tyd het ons laat geslaap, dan iewers heen gery vir ontbyt/brunch/middagete of om sommer bietjie rond te loop.

Ons kon darem een dag met die kanoe en een winderige middag met die trap bootjies op die lagoon rond vaar.  2x het ons gebraai, die 1ste keer omdat die weer dit toegelaat het, die 2de keer omdat ek nie omgegee het of die weer dit toelaat of nie.

Die belangrikste was dat ons kon rus en ontspan.  Was op Yzerfontein, Paternoster, St Helena Baai, Dwarskersbos en natuurlik Velddrif en Laaiplek.

 

[Duster]

Nog fotos, nie in volgorde nie.  Die koffie en koeksisters was ontbyt in Dwarskersbos!!!

 

[Duster]

Nog.

 

[Duster]

Die sonsondergange vanuit ons woonstel se voordeur en nog fotos van die plekke wat ons deur die week besoek het..

 

[Duster]

Paternoster en hotel.

 

[Duster]

Ontspanning tyd!

 

[Duster]

Woensdag oggend toe lyk dit so! en met skemer so!  Toe sê Stoffies:  "Dis tyd om te ry!"

Nou ja, ek laat my nie weer nooi nie en begin Woensdag aand die tasse pak.  Ons moes eintlik Vry oggend eers ry, maar besluit toe om sommer die Donderdag oggend al te ry.

 

[woody1]

Ek ry nog lekker saam.

 

[Duster]

En daar verander ons ons planne vir die 3de keer.  Heerlik om nie te worry oor wat en waar more gaan wees nie.

Ons sou van Velddrif op ry Citrusdal toe en van daar oor Calvinia, Carnarvon, De Aar, Kimberley huistoe.  Nou ry ons al langs die kus op in baie digte mis tot by Elandsbaai, Citrusdal, noord tot in Springbok en dan oos deur Pofadder en slaap die aand by die Augrabies Watervalle.

Die mense van daai wereld is so oulik.  Dis lekker om na hulle te luister.  Op Pofadder vra Stoffies die petroljoggie of daar baie slange is?  Pofadders, vra die joggie?  Ja sê Stoffies.  Nee, nie eintlik nie, antwoord sy! :imaposer:

 

[Duster]

Ek ry nog lekker saam.

Dankie Woody1, waardeer jou saamkuier.

 

[Duster]

Ons wou in 'n chalet slap die aand, maar vir R900,00 vir 'n 2 enkelbed kamer, het ons die tent in record tyd opgeslaan.  Toe verken ons die valle, wat vir die tyd van die jaar darem nog redelik water gehad het.

 

[Duster]

Vrydag oggend rustig opgestaan en eers in Kakamas by die Pienk Padstal gestop vir ontbyt.

 

[Duster]

Nog Pienk Padstal voor ons die pad verder oos gevat het oppad na Kuruman toe.  Ons was mog nooit in die geweste nie en wou sommer daar ook oorslaap.

 

[Duster]

Oppad Kuruman toe het die pad noemenswaardig besiger geraak en ek het dit nie baie geniet nie.  Ons hou van die stiller eenkant paaie, maar dan kan jy nie altyd iewers uitkom nie.

In Kuruman het ons spitsverkeer in die stad ervaar toe ons proviant gaan koop het, amper erger as Jhn.  Ons slaapplek was gerieflik en ons het weereens soos koning/koningin geslaap.

 

[JACOVV]

Ekself het nou lekker saam gery.

 

[Duster]

Saterdag oggend het ons later gelê as wat ons wou, maar dit was die laaste dag in ongekende land.  More sou ons van Klerksdorp terug ry huistoe, ou bekende vervelige paaie.

Roete vandag is Vryburg, Delareyville, Klerksdorp waar ons by Stoffies se sussie sou oorslaap vir bietjie familie tyd.  In Delareyville het ons by die Boeretroos restaurant gebrunch.  Dit was die ou Wimpy wat hulle oorgekoop het en nou weer as restaurant bedryf.  Baie oulik en as julle ooit daar deur ry, stop gerus daar vir iets lekkers.

Die aand het ek vir ons 'n lekker beespot gebou en ons het ons trommeldik geëet aan heerlike kos.

Sondag oggend het ons die kortste pad gekies huistoe, maar eers vir 'n goeie vriend in Unitas gaan hallo sê wat met sy hart sukkel en die volgende Dinsdag 'n angiogram moes kry.  Na 'n lang, heerlike 2 weke van ontspanning en bike ry en kuier, was ons die middag 16:00 by die huis.

Tevrede, dankbaar en met vrede in ons harte.

Weereens, Stoffies, my yster van 'n vrou, baie dankie dat jy die goed saam met my doen!  Jy is my alles in die lewe en ek weet dat ek dit nie so sou geniet het alleen nie.  Eks lief vir jou!

 

[Duster]

Laaste paar fotos wat vir my spesiaal is.

Die laaste foto is van 'n nommerplaat wat my seun by die Pienk Padstal vasgeslaan het omtrent 8-10jaar gelede wat ons nou eers sien.

Arrie warrie, ons storie is nou klaar.  Lekker slaap.

 

[woody1]

Dis nou hoe n man en vrou LEKKER wegbreek.
Wel gedaan julle.
Mei is dit ons beurt. Ongelukkig net so 9 dae.